Futtball internationalDortmund klappt Frankfurt, PSG léisst Saint-Etienne keng Chance

Mat 3:1 ka sech de BVB géint d'Eintracht duerchsetzen a katapultéiert sech op déi 1. Plaz vun der Tabell, op d'mannst emol fir een Dag.

Fir Dortmund hunn den Abdou Diallo (36.), de fréiere Frankfurter Marius Wolf (72.) an deen neie Mëttelstiermer Paco Alcacer (88.) a sengem éischten offizielle Match getraff.

De Sebastien Haller hat an der 68. fir den 1:1 gesuergt, dee war awer just vu kuerzer Dauer.

Domat huet d'Ekipp vum Lucien Favre elo 7 Punkten aus den 3 éischte Matcher, zu Hannover war et jo just en 0:0 ginn.

BUNDESLIGA: Alleguerten d'Resultater an d'Tabell am Iwwerbléck.

An der franséischer Ligue 1 war et schonn dee 5. Spilldag, an hei huet de PSG och ouni Neymar an Mbappé Saint-Etienne 4:0 iwwerrannt.

Goler: Julian Draxler (22.), Edinson Cavani op Eelefmeter (51.), Angel Di Maria (76.) a Moussa Diaby (84.).

Nice huet sech 2:1 géint Rennes duerchgesat.

LIGUE 1: Alleguerten d'Resultater an d'Tabell am Iwwerbléck.



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.