Futtball internationalLiverpool weider ongeschloen

Liverpool klappt Tottenham mat 2:1 an och Barcelona gewënnt mam nämmlechte Resultat géint Real Sociedad.

© afp
Premier League
An England stoung kuerz no Mëtteg den Topmatch tëscht Liverpool an Tottenham um Programm. D'Gäscht vu Liverpool hunn hire Laf och géint d'Spurs fortgesat a gewannen mat 2:1. De Wijnaldum konnt d'Reds an der 39. Minutt a Féierung bréngen ier de Firmino an der 54. Minutt op 2:0 erhéije konnt. An der 90. Minutt konnt Tottenham duerch de Lamela nach op 1:2 verkierzen mee dee Gol koum awer ze spéit. 5 Victoiren a 5 Matcher huet de Jürgen Klopp elo um Pabéier stoen.

Chelsea louch séier no 16 Minutten mat 0:1 géint Cardiff am Réckstand duerch e Gol vum Bamab. De Londoner Klub konnt de Match awer dréinen konnt nach duerch Goler vum Hazard (3x) a Willian gewannen.

Manchester City klappt Fulham ouni Problemer mat 3:0. D'Goler hunn de Sané, David Silva a Sterling schéissen.

Och Arsenal konnt gewannen a klappt mat 2:1 Newcastle. Fir Arsenal konnten den Xhaka an den Özil markéieren a fir Newcastle konnt de Clark verkierzen.

LINK: All d'Resultater an d'Tabell aus der Premier League am Iwwerbléck

Primera Division
Barcelona konnt sech just knapps mat 2:1 géint Real Sociedad gewannen. Den Elustondo konnt Sociedad mat 1:0 a Féierung bréngen. Innerhalb vun 3 Minutten konnten de Luis Suarez (63.') an den Ousmane Dembele (66.') de Match dréinen.

Real Madrid dogéint, koum géint Bilbao net iwwert en 1:1 eraus. Nodeems de Muniain Bilbao an der 32. Minutt a Féierung brénge konnt, huet den Isco an der 63. Minutt den Ausgläich geschoss. Sou ass Barcelona mat 2 Punkte Virsprong eleng Tabellenéischten viru Real Madrid.

LINK: All d'Resultater an d'Tabell aus der Primera Division am Iwwerbléck

Serie A
An Italien muss Inter Mailand eng batter Néierlag astiechen a verléiert mat 0:1 géint Parma. Den entscheedende Gol huet den Dimarco an der 79. Minutt geschoss.

LINK: All d'Resultater an d'Tabell aus der Serie A am Iwwerbléck

Ligue 1
A Frankräich huet Lyon géint Caen nëmmen 2:2 gläich gespillt an dat obwuel Caen no enger rouder Kaart géint den Djiku mat engem Mann manner um Terrain war. An der 94. Minutt krut Caen a Persoun vum Sankoh souguer nach eng zweet rout Kaart. D'Goler vu Lyon hunn de Fekir an de Mendy geschoss.

D'Ekipp vum President Gerard Lopez, OSC Lille, gewënnt um Samschdeg Owend mat 3:2 zu Amiens a sinn elo 2. an der Tabell. Déi 3 Goler fir Lille huet de Pepe geschoss.

LINK: All d'Resultater an d'Tabell aus der Ligue 1 am Iwwerbléck

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.