Görges wënnt op der KockelscheierE "Best-Of" vum WTA-Tournoi an en Interview mam Dan Maas

E Samschdeg war de leschten Dag vum WTA-Dammen-Tennis-Tournoi op der Kockelscheier. D'Nummer 9 am WTA-Ranking konnt sech géint d'Belinda Benicic behaapten.

E Samschdeg de Mëtteg gouf bei de BGL BNP Paribas Luxembourg Open fir d'éischt d'Finall am Dubbel gespillt. Mam Mandy Minella stoung hei fir d'éischte Kéier an der Geschicht vum Tournoi eng Lëtzebuergerin an der Finall.

Déi 2. Finall vum Dag gouf vu 15 Auer un am Eenzel gespillt, dat tëscht dem Julia Görges an dem Belinda Bencic. Hei konnt sech déi däitsch Nummer 9 am WTA-Ranking an zwee Sätz mat 6:4 an 7:5 duerchsetzen.

Görges wënnt Finall op der Kockelscheier géint Bencic (20.10.2018)
Déi däitsch Nummer 9 am WTA-Ranking konnt sech an zwee Sätz mat 6:4 a 7:5 duerchsetzen.


RTL-Spezial vun der Kockelscheier
E Samschdeg den Owend gouf vun 19 bis 19.30 Auer eng Spezial-Sendung vun de BGL BNP Paribas Luxembourg Open op der Kockelscheier diffuséiert. De Gilles Muller war hei ënnert anerem hannert de Kulissen ënnerwee.

Sportextra: WTA-Tennis op der Kockelscheier (20.10.2018)
Ënner Sport Extra fannt Dir déi grouss Sport-Eventer vum Joer, egal op Tour de France oder Football-Lännermatcher. Mir si LIVE dobäi.


Best-Of vun der Kockelscheier
Best-Of BGL PNB Paribas Open (21.10.2018)
Mir kucken zreck op den WTA-Tournoi op der Kockelschéier. Ënnert aanerem mat dem Match vum Mandy Minella, den Halleffinallen an der Finall.


Invitée am Studio: Dan Maas (21.10.2018)
D'Directrice vum BGL BNP Paribas Tennis- Tournoi um RTL Platteau.


Réckbléck op Tennis / Reportage Franky Hippert


Eenzelfinall tëscht Julia Görges a Belinda Bencic
© Cliff Block


An der Finall vum Eenzel stounge sech d'Julia Görges aus Däitschland an d'Belinda Bencic aus der Schwäiz géigeniwwer.

D'Belinda Bencic konnt déi ganz Woch iwwer um WTA-Tournoi op der Kockelscheier iwwerzeegen, ma och d'Julia Görges huet gudden Tennis gespillt. Fir d'Finall e Samschdeg konnt ee sech deemno eng spannend Finall erwaarden. Am 1. Saz konnt dat däitscht Görges beim Stand vun 2:2 der Schwäizerin de Service ofhuelen. Duerno huet d'Nummer 9 aus dem WTA-Ranking näischt méi ubrenne gelooss an huet schliisslech den 1. Saz mat 6:4 gewonnen.

Den 2. Saz goung dunn an deem Rhythmus weider. Opfälleg war awer dem Bencic hir Nervositéit: ëmmer erëm krut si sech mat der Arbittesch an d'Hoer an et ass zu Diskussioune komm - béid Dammen hunn trotzdeem weider gudden Tennis gebueden. Beim Stand vum 5:5 konnt déi Däitsch Tennisspillerin der Schwäizerin de Service ofhuelen. Beim Stand vun 6:5 huet dunn d'Julia Görges fir den 2. WTA-Succès an dëser Saison zerwéiert. No ronn enger Stonn an 20 Minutte Spillzäit konnt déi Däitsch Spillerin de serréierten 2. Saz mat 7:5 fir sech entscheeden.

© Val Wagner

Am Laf vun dëser Woch hat eng RTL-Ekipp d'Méiglechkeet d'Julia Görges, aktuell d'Nummer 9 op der Welt, nieft dem Tennisterrain kennenzeléieren.

D'Julia Görges nieft dem Tennisterrain (20.10.2018)
E Portrait vun der Däitscher Tennissspillerin.


Dubbelfinall tëscht Mandy Minella/Vera Lapko a Greet Minnen/Alison Van Uytvanck
D'Mandy Minella huet mat hirer Partnerin Vera Lapko géint de belschen Duo Greet Minnen/Alison Van Uytvanck gespillt. Am 1. Saz gouf et op der Kockelscheier eng duerchaus serréiert Partie. Beim Stand vun 3:3 konnte Minnen a Van Uytvanck hire Géignerinnen de Service ofhuelen, d'Mandy Minella an d'Vera Lapko hunn awer am nächste Jeu direkt ee Rebreak gepackt. Duerno goung et ausgeglach weider, bis den 1. Saz am Tiebreak mat 6:7 (3:7) op een Enn gaangen ass.

Den 2. Saz war manner ausgeglach, well d'Minnen an d'Van Uytvanck no hirem Break bei 3:2 näischt méi ubrenne gelooss hunn. Séier waren d'Lëtzebuergerin an hir Partnerin mat 2:5 géint den Duo Minnen/Van Uytvanck hannen, ier se sech du misse mat 2:6 geschloe ginn.

Extrait Mandy Minella









Fotoe vum Tournoi


FOTOGALERIE: Andréck vun de Véierelsfinallen

FOTOGALERIE: Andréck vum 1. Tour

FOTOGALERIE: Andréck vun der Qualifikatioun

FOTOGALERIE: Impressioune vu pressphoto.rtl.lu

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.