VIDEO - Dirk BockelDat neit Liewen nom Enn vum Profisport

Bal 2 Joer nom Enn vu senger aktiver Carrière ass den Dirk Bockel fest a sengem neie Liewen ukomm.

De Wee dohi war keen einfachen. Och wann et hautdesdaags nach ëmmer wéineg thematiséiert gëtt, esou falen vill Profisportler nom Enn vun der aktiver Carrière an e Lach, wou sou muncher ee sech schwéier deet, spéider nees Fouss ze faassen.

Och fir de 25. vun den Olympesche Summerspiller vu Peking am Joer 2008 war dëst eng grouss Erausfuerderung. Eppes, wourun et op ville Plazen nach dru feelt, ass eng Méiglechkeet, fir och no der Carrière eng Ënnerstëtzung ze hunn, déi dem Athlet d'Méiglechkeet gëtt, de richtege Wee anzeschloen.

Mat dem néidegen Ofstand ass den Dirk Bockel réckbléckend zefridden, wéi en et duerch déi laang Jore gepackt huet, seng Ziler ze erreechen.

Dem Dirk ass de Schratt an dat normaalt Liewe gegléckt, bleift awer als Expert fir verschidden Evenementer an Organisatiounen der grousser Triathlonsfamill erhalen.



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.