Vill flott FotoenTournoi de Noël vun der Lasel an der Acel

Am Volleyball konnten d'Lëtzebuerger Studenten vu Bréissel gewannen, am Basketball waren et d'Lëtzebuerger Studente vun Tréier, am Futtball wënnt d'Lunex.

Traditionell organiséiert d'Lasel zesumme mat der Acel tëscht de Chrëschtdeeg a Silvester den Tournoi de Noël. Um Donneschdeg stoungen um Geesseknäppchen d'Tournoien am Volleyball an am Basketball um Programm.

Am Futtball gewannen d'Lëtzebuerger Studente vun der Lunex-University. An dëser Ekipp ware Stein Victor, Oliveira Patrick, Simon Bob, Useldinger Greg, Liu Henri, Almeida Leandro, Gonçalves Tiago a Schwarmes Patrick. Op der Plaz 2 stinn d'Studente vu Bréissel, op déi 3. Plaz kommen d'Studente vun der Universitéit zu Oochen.

PDF: Resultater Tournoi de Noël (Futtball)

D'Klickt Iech duerch d'Fotoe vum Emile Mentz.© Emile Mentz


FOTOGALERIE: Andréck vum Emile Mentz

Am Volleyball konnt sech d'Ekipp vun de Lëtzebuerger Studenten zu Bréissel duerchsetzen. Matgespillt hunn hei de Charel Dahm, de Marc Dittgen, d'Lisa Nichols, d'Amandine Rafael, de Raoul Theisen an den Tom Warisse. Op d'Plazen zwee an dräi sinn d'Lëtzebuerger Studente vun Innsbruck komm an d'Lëtzebuerger Studente vu Freiburg.

Am Basketball war d'Victoire 2018 fir d'Lëtzebuerger Studente vun Tréier. Hei waren de Sven Biever, de Luca Difino, de Christophe Maio, de Carlo Schmitz, den Tim Schomer an den Tom Schomer mat dobäi. D'Éiereplaze waren hei fir d'Lëtzebuerger Studente vun der Lunex a fir d'Lëtzebuerger Studente vu Saarbrécken.

PDF: Resultater Tournoi de Noël (Volleyball/Basketball)

Déi beschten Ekipp an deenen 3 Disziplinnen ass d'Ekipp vu Bréissel, dono den LSI vun Innsbruck an dann d'Studente vu Saarbrécken.