FuttballWeltmeeschter Pavard wiesselt vu Stuttgart op München

Domadder hunn déi Münchener vum 1. Juli un nieft dem Tolisso en zweete Weltmeeschter an hirem Kader

© AFP
Fir 5 Joer huet de jonke Verdeedeger bei de Münchener ënnerschriwwen, den neie Kontrakt leeft vum 1. Juli 2019 un. De Rescht vun der Saison wäert hie weider fir de VFB Stuttgart spillen.




Scho virun der Weltmeeschterschaft hat den däitsche Rekordmeeschter de jonke Fransous op senger Lëscht stoen, et war awer net zum Transfert komm. 2016 war de Pavard vu Lille op Stuttgart gewiesselt an do gouf de franséischen Nationaltrainer op hien opmierksam. Op der WM stoung hie 6 vun de 7 Matcher fir de spéidere Weltmeeschter um Terrain an huet och de Gol vum Turnéier geschoss.




Aktuell ass den 22 Joer jonke Defenseur awer blesséiert. Am Dezember huet hie sech e Muskelbündelriss zougezunn.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.