Manipulatioun am Tennis15 Persoune goufe festgeholl, och 28 Profien am Viséier

D'spuenesch Police huet en Donneschdeg 83 Persoune matgeholl, déi Tennismatcher manipuléiert sollen hunn. 15 vun hinne goufe vum Parquet verhaft.

© AFP

Ënnert den 83 Verdächtege sinn och 28 professionell Spiller, een dovunner soll bei de US-Open matgespillt hunn. De kriminelle Reseau aus Armenien hätt Millioune gemaach mat Wetten op ofgeschwate Matcher. Et wiere Partië bei ITF Future an Challenger-Tournoie gewiescht.

Bei der Policeaktioun en Donneschdeg goufen ënnert anerem 11 Haiser duerchsicht an 42 Bankkonten agefruer.