Lëtzebuerger Futtballer am AuslandPau verléiert mam Vincent Thill géint Chambly

An der National a Frankräich huet Pau auswäerts mat 0:1 géint den Tabellenzweete Chambly verluer. De Vincent Thill stoung 90 Minutten um Terrain.

© pressphoto (Archiv)
An der Ligue 2 a Frankräich war um Samschdeg de Christopher Martins am Asaz an huet géint Brest 1:1 gespillt. De Lëtzebuerger stoung de ganze Match iwwer um Terrain.

Fir de Kont vum 18. Spilldag an der National a Frankräich huet Pau e Freideg den Owend auswäerts mat 0:1 géint den Tabellenzweete Chambly verluer. De Vincent Thill huet fir Pau déi 90 Minutten duerchgespillt. De Lëtzebuerger Nationalspiller huet sech am Match ëmmer nees an Evidenz gesat, ma e Gol wollt him net geléngen. An der 82. Minutt huet hien déi giel Kaart gesinn.

An der Ligue 2 a Frankräich huet Metz e Freideg den Owend auswäerts mat 1:0 géint Orleans gewonnen. Den decisive Gol huet de Boulaya an der 34. Minutt geschoss. De Laurent Jans souz bei Metz awer déi 90 Minutten iwwer op der Bänk. Metz bleift an der Tabell op der 1. Plaz.

An der Ligue 1 huet Lille, d'Ekipp vum Gerard Lopez, auswäerts mat 3:1 géint Caen gewonnen. D'Goler fir Lille hunn de Pepe, de Leao an den Araujo geschoss. Duerch dës Victoire bleift Lille op der zweeter Plaz an der Tabell.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.