Internationale FuttballLiverpool klappt Brighton Hove Albion

Arsenal dogéint verléiert géint West Ham an a Frankräich klappt de PSG Amiens kloer mat 3:0.

© AFP
Um Samschdeg gouf an England, Frankräich, Spuenien an Italien Futtball gespillt.

Premier League
West Ham United - Arsenal 1:0

Opgrond vun engem Feeler an enger Virlag vum Nasri konnt West Ham doheem géint Arsenal gewannen. An der 48. Minutt huet de Koscielny eng Flank vum Felipe Anderson dem Nasri virun d'Féiss gekäppt, deen huet de Ball eriwwer ginn an den Declan Rice huet de Ball aus 11 Meter an den Eck geschlenzt.

Brighton Hove Albion - Liverpool 0:1

Mat engem knappen 1:0 konnt sech Liverpool géint den Underdog vu Brighton duerchsetzen. Duerch e Foul vum Gross um Salah huet den Arbitter op de Punkt gewisen an den Ägypter huet dëse selwer verwandelt. Richteg iwwerzeegen konnten se allerdéngs net mee et war eng vun deenen "dreckege" Matcher déi ee muss gewannen wann ee Meeschter wëll ginn.

Chelsea - Newcastle 2:1

Duerch Goler vum Pedro (9.') a Willian (57.') gewënnt Chelsea knapps mat 2:1 géint Newcastle. Zwëschenzäitlech konnt Newcastle duerch de Clark (40.') ausgläichen.

LINK: Den Iwwerbléck vun der Premier League

Ligue 1
Amiens - Paris St Germain 0:3

Déi éischt Halschent huet sech Paräis immens schwéier gedoen an et ass mat engem 0:0 an d'Paus gaangen. An den zweete 45 Minutten konnt de PSG dann awer alles kloer maachen a konnt duerch Goler vum Cavani (57.', Eelefmeter), Mbappé (70.') a Marquinhos (79.') mat 3:0 gewannen.

LINK: Den Iwwerbléck vun der Ligue 1

La Liga
Valencia - Real Valladolid 1:1

A Spuenien kënnt den FC Valencia weiderhin net richteg vun der Plaz a spillt géint Valladolid 1:1 an dëst ass domadder schonn dat 11. Gläichspill an dëser Saison.

LINK: Den Iwwerbléck vun der La Liga

Coppa Italia: Aachtelsfinall
Lazio Rom - Novara 4:1

Schonn no der éischter Halschent louch Lazio ganz kloer mat 4:0 a Féierung. Zwee mol Immobile, Milinkovic-Savic an Luis Alberto hunn d'Goler geschoss. Kuerz no der Paus konnt Novara zwar duerch den Umberto Eusepi verkierzen mee fir méi sollt et awer net méi duergoen.

Sampdoria Genua - AC Mailand 0:2 n.V.

Eréischt an der Prolongatioun konnt sech den AC Mailand mat 2:0 géint Sampdoria Genua duerchsetzen. Zweemol war et de Cutrone (102.', 108.') deen dem AC Milan dës Victoire geschenkt huet.

Bologna - Juventus Turin 20h45

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.