Lëtzebuerger Futtballer am AuslandVirton mam Moris a Joachim spillt 0:0 géint Deinze

An Däitschland huet de Maurice Deville fir Waldhof Mannheim an engem Testmatch dräi Goler markéiert.

An der First Amateur Division hat den Anthony Moris de Gol vu Virton propper gehalen, dëst beim 0:0 géint Deinze. Den Aurélien Joachim gouf an der 58. Minutt ausgewiesselt.

An Däitschland huet e Samschdeg Waldhof Mannheim een Testmatch géint Weinheim gespillt. Um Enn gouf et eng kloer 6:0-Victoire fir Mannheim. De Lëtzebuerger Nationalspiller Maurice Deville huet dräi Goler markéiert, dat an de Minutten 9, 22 an 30.

An der Ligue 2 a Frankräich waren e Freideg den Owend zwee Lëtzebuerger mat hire Veräiner am Asaz. De Christopher Martins stoung beim 0:0 tëscht Béziers an Troyes, déi 90 Minutten iwwer fir d'Gäscht um Terrain. De Fortune hat fir Troyes an der 12. Minutt een Eelefmeter verschoss an de Lëtzebuerger Nationalspiller hat an der 77. Minutt déi giel Kaart gewise kritt.

Metz war e Freideg den Owend géint Clermont Foot gefuerdert. Um Enn gouf et eng 1:2-Néierlag. De Laurent Jans soutz bei Metz déi 90 Minutten iwwer op der Bänk.

Trotz der Defaite bleift Metz un der Spëtzt vun der Tabell. Troyes steet op der 9. Plaz.

An der National a Frankräich war de Vincent Thill e Freideg den Owend mam FC Pau géint US Avranchesam am Asaz. De Lëtzebuerger Nationalspiller stoung an der Startformatioun a konnt sech um Enn iwwert eng 2:0-Victoire vu sengem Veräin freeën.