Australian OpenKei Nishikori huet géint Novak Djokovic mussen opginn

Den Novak Djokovic steet an den Halleffinalle vun den Australian Open.

Déi aktuell Nummer 1 huet géint den Kei Nishikori gespillt, deen am 2. Saz beim Stand vun 4-1 huet misse verletzungsbedéngt opginn. Den éischte Saz hat de Serb scho mat 6-1 gewonnen.

Do trefft hien elo ob den Lucas Pouille. Déi aktuell Nummer 31 op der Welt steet domat fir d'éischte Kéier ënnert de leschte Véier vun engem Grand-Slam-Tournoi. De Lucas Pouille war dem Kanadier Milos Raonic a véier Sätz mat 7-6, 6-3, 6-7 a 6-4 iwwerleeën.



Out fir d'Serena Williams op den Australien Open. Si war an der Véierelsfinall der Karolina Pliskova an 3 Sätz mat 4-6, 6-4 a 5-7 ënnerleeën.

Déi amerikanesch Tennisspillerin war während dem Match ëmgeknéckst a war dono net méi 100%eg fit. Si konnt 4 Matchbäll net verwandelen. Déi laangjäreg Tennis-Weltranglëschtenéischt huet domat d'Chance op de Rekord vum 24. Titel bei engem Grand-Slam-Tournoi verpasst.



D'Tschechin Karolina Pliskova spillt elo en Donneschdeg an der Halleffinall géint d'Naomi Osaka aus Japan, déi mat 6:4 a 6:1 géint d'Jelena Svitoliva aus der Ukrain gewonnen huet.



An der anerer Halleffinall kënnt et zum Duell tëscht der Petra Kvitova an der Danielle Collins.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.