Handball-WMDäitschland-Norwegen a Frankräich-Dänemark an der Halleffinall

E Mëttwochowend goufen an der Handball-WM an Däitschland déi lescht Gruppematcher gespillt. Am Grupp 1 goung et ëm d'Plazen, am Grupp 2 nach ëm Ticketen.

Duerch eng knapp 31:30 Victoire vun Däitschland géint den Europameeschter Spuenien geet déi 1. Plaz am 1. Grupp un Däitschland, dat well den direkte Konkurrent Frankräich, deen och scho virun dem leschte Match fir d'Halleffinall qualifizéiert war, géint Kroatien verluer huet (20:23).

Am Grupp 2 heescht de Gruppenéischten Dänemark, deen aneren Ticket fir d'Haffelfinall ass fir de Vize-Weltmeeschter Norwegen, Schweden ass net weider, well d'Schweden hu 26:30 géint Dänemark verluer. Norwegen hat méi e liichte Géigner an huet Ungarn mat 35 op 26 geklappt.

An den Halleffinallen dëse Freideg spillt jeeweils de Gruppenéischten aus deem enge Grupp géint de Gruppenzweeten aus deem anere Grupp, also:

17h30: Frankräich-Dänemark
20h30: Däitschland-Norwegen



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.