LiichtathletikPatrizia van der Weken verpasst de Podium knapp

D'Lëtzebuergerin gouf um Enn dat 4. a verpasst de nationale Rekord nëmmen ëm 6 Honnertstel.

Um Sonndeg stoung zu Metz den internationalen Indoor Meeting um Programm, wou direkt eng Partie Lëtzebuerger am Asaz waren.

Bei de 60 Meter koum d'Anais Bauer mat enger Zäit vu 7 Sekonne 65 Honnertstel iwwert de wäisse Stréch.
D'Patrizia van der Weken konnt sech a sengem Virlaf mat enger Zäit vu 7 Sekonnen a 45 Honnertstel fir d'Finall qualifizéieren. Hei gouf d'Lëtzebuergerin um Enn dat 4. mat enger Zäit vu 7 Sekonnen a 44 Honnertstel an hat den nationale Rekord domat ëm 6 Honnertstel verpasst.

D'Charline Mathias konnt iwwert 800 Meter mat enger Zäit vun 2 Minutten, 6 Sekonnen a 4 Honnertstel op déi 6. Plaz lafen. Den nationale Rekord verpasst d'Lëtzebuergerin domat op iwwer 2 Sekonne.

Bei den 1.500 Meter koum d'Pascale Schmoetten-Steffen mat enger Zäit vu 5 Minutten, 12 Sekonnen an 58 Honnertstel an d'Zil.

Den Aymen Djazouli koum bei den Hären iwwert 800 Meter mat enger Zäit vun 1 Minutt, 57 Sekonnen a 34 Honnertstel op déi 7. Plaz an der Finall.

De Charel Grethen war iwwert 1.500 Meter am Asaz. Hie gouf um Enn mat enger Zäit vun 3 Minutten, 47 Sekonnen a 67 Honnertstel dee 7. a konnt den nationale Rekord och net verbesseren, dëst well hien iwwert 3 Sekonne méi lues war ewéi d'lescht Woch, wou en dësen nach gebrach hat.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.