FuttballLuisi op d'mannst 9 Méint out

Keng gutt Nouvelle fir d’Jeunesse. Den Antonio Luisi wäert op d'mannst déi nächst 9 Méint ausfalen. Dat huet de Veräin och um Dënschdeg bestätegt.

De Stiermer, deen vun deenen Diddelenger op d’Grenz ausgeléint ass, krut elo vum Dokter Seil a vum Dokter Kayser confirméiert, datt net nëmmen d’Ausseband, ma och Kräizbänner eng erwëscht hunn, an eng Operatioun neideg ass. 

De Luisi, deen an den 13 éischte Championnatsmatcher 9 Goler geschoss hat an de Mann vun der Allerronn bei deene Schwarz-Wäissen war, hat sech lo an der Preparatioun an engem Testmatch géint d’Eintracht vun Tréier blesséiert.




Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.