Lëtzebuerger Sportler am AuslandKamil Rychlicki verléiert mat 1:3 géint Trentino

Am hollännesche Basket-Championnat konnt den Alex Laurent mat Den Helder Suns 76:67 géint Rotterdamm wannen. Eng Victoire gouf et och fir den Thomas Grün.

© pressphoto
Am italienesche Volleyballchampionnat verléiert de Kamil Rychlicki mat Ravenna 1:3 géint Trentino. Domadder steet d'Ekipp vum Lëtzebuerger elo op der 8. Tabelleplaz am Championnat.

Den Ex-Steeseler Alex Laurent ass um Samschdeg als Kapitän an d'Partie tëscht Den Helder Suns a Rotterdam gaangen. De Lëtzebuerger konnt 16 perséinlech Punkte scoren an hat um Enn 6 Rebounden um Konto. Seng Ekipp konnt kloer mat 76:67 gewannen.

Vun Erfolleg gekréint war iwwerdeems och d'Leeschtung vun de Gladiators Tréier géint Baunach Young Pikes an der zweeter däitscher Basket-Bundesliga. Um Enn sollte si d'Nues mat 93:85 vir hunn. Hei war den Thomas Grün an der Starting-Five a konnt mat 14 perséinleche Punkten iwwerzeegen.

Am Handball war d'Tina Welter mat Waiblingen an der zweeter däitscher Handball-Bundesliga ënnerwee. Um Enn huet d'Lëtzebuergerin awer eng 30:34-Neirlag géint Wuppertal missen astiechen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.