Amstel Gold RaceVéiert Victoire fir de Philippe Gilbert

Fir d'éischte Kéier sinn um Sonndeg och Dammen d'Amstel Gold Race gefuer do gouf et eng Victoire fir d'Anna van der Breggen.

Amstel Gold Race (16.04.2017)
En zefriddene Bob Jungels
Um Sonndeg war et déi 52. Editioun vum Amstel Gold Race bei de Männer. Ee Parcours vun 261 Kilometer lung virun de Coureuren. De Bob Jungels war och um Depart.

Eng Grupp vu 7 Coureuren hat sech ofgesat. Dës Grupp sollt bis zum Enn net méi Ageholl ginn. An enger zweeter Grupp mat Fuerer ewéi Valverde a Van Avermaet, war och de Bob Jungels.


Déi éischt Grupp sollt awer net méi ageholl ginn. Aus där éischter Grupp eraus huet de Kwiatkowski 7 Kilometer viru Schluss attackéiert. Deen eenzege Coureur, deen nach mathale konnt war de Gilbert. De Belsche Champion huet am Sprint géint de Kwiatkowski, d'Iwwerhand behalen. Den Albasini komplettéiert de Podium.

Gilbert gewënnt (16.04.2017)
an esou freed sech d'Equipp...


© afp

De Bob Jungels ass mam Peleton an d'Zil gefuer. De Lëtzebuerger gëtt de 39. op 1 Minutt an 11 Sekonnen.

De Philippe Gilbert huet um Méindeg annoncéiert, dass hie bei deenen zwee nächsten Ardennenklassiker, der Flèche Wallone a Léck-Baaschtnech-Léck, net un den Depart geet. Hie war während der Amstel Golde Race, déi hien och gewonnen huet, gefall. Seng Equipe Quick-Step huet e Méindeg matgedeelt, dass hien duerch eng liicht Blessure un der rietser Nier misst eng ganz Woch recuperéieren. De Philippe Gilber, deen Uganks vum Mount och schonn den Tour des Flandres gewonnen hat, muss deemno e Mëttwoch op d'Flèche Wallone an nächste Sonndeg op säin Depart bei der Doyenne vun de Klassiker, Léck-Baaschtnech-Léck, verzichten.

© Rich Simon

Am Damme World Tour ass um Sonndeg fir déi éischte Kéier d'Amstel Gold gefuer ginn. 123 Cyclistinnen hunn um 10.40 zu Maastricht den Depart geholl. Dorënner och d'Chantal Hoffmann. D'Profisportlerin vu Lotto Soudal ass awer ewéi 50 anerer Cyclistinnen net ukomm.  Och wann d'Cyclistine vu Lotto-Soudal net ukomm ass, war et fir si eng flott Erfahrung.

Extrait Chantal Hoffmann

Um Enn sëtz sech no 121,6 Kilometer d'Anna Van der Breggen duerch.

© afp

D'Olympiagewënnerin hat 55 Sekonnen Avance op den éischte Grupp aus dem eraus hier Coequipière d'Lizzie Deignan de Sprint gewonnen huet. Et war no e puer klenge Succèsen a selesche Podiumsplazen den éischte grousse Succès fir d'Boels Dolmans, d'Equipe vum Christine Majerus. D'Lëtzebuerger Championne war net um Depart.

Amstel Gold Race Ladies (16.04.2017)
D'Chantal Hoffmann no der Arrivée


Amstel Gold Race / Reportage Rich Simon



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.