VIDEO a FOTOEN: Presentatioun vun der EquipeBob Jungels mat wichteger Roll bei Quick-Step Floors

Ee vun de Leadere bei der Equipe Quick-Step Floors ass de Bob Jungels. De Lëtzebuerger huet sech an de leschte Joeren dës Roll haart erschafft.

Déi belsch Formatioun setzt op Kontinuitéit an huet 2018, 27 Coureuren aus 13 Natiounen am Kader, deen en Duerchschnëttsalter vu knapp 28 Joer huet. Eenzege groussen Transfert ass de Sprinter Elia Viviani.

De Bob Jungels am Trainingscamp (09.01.2018)
Den Dënschdeg huet Quick-Step Floors seng Equipe fir déi nei Saison am Trainingslager zu Calpe a Spuenien viru ronn 100 Pressevertrieder presentéiert.


Quick-Step Floors fiert 78 Courssen an 23 Länner op 5 Kontinenter. Mam Marcel Kittel, Daniel Martin an Tom Boonen sinn 3 Kapitänen 2018 net méi dobäi, mee den Teamchef Patrick Lefevère setzt op Ersatz aus den eegene Reien, ewéi de Bob Jungels, dee Leader am Tour de France gëtt.

Preparatioun Quick-Step Floors/Reportage Franky Hippert


Fir d'Klassiker heeschen d'Kapitäne Philippe Gilbert, Julien Alaphilippe an Zdenek Stybar. Sprinter Nummer 1 bei Quick-Step Floors ass de Fernando Gaviria. De Kolumbianer hat beim Giro 4 Etappe gewonnen a fiert dës Saison mam Bob Jungels den Tour de France.

D'lescht Saison huet Quick-Steep Floors am ganzen 59 Victoiren kënnen feieren, dat gëtt des Saison natierlech net einfach ze toppen.

De Bob Jungels am Interview (09.01.2018)
Den Dënschdeg huet Quick-Step Floors seng Equipe fir déi nei Saison am Trainingslager zu Calpe a Spuenien viru ronn 100 Pressevertrieder presentéiert.


Bob Jungels mat wichteger Roll

Bob Jungels mat wichteger Roll bei Quick-Step Floors (10.01.2018)
Ënnert de 27 Coureure soll de Lëtzebuerger Champion dëst Joer nach méi eng grouss Roll spillen.


D'Equipe Quick-Step Floors ass zejoert 59 Victoiren erausgefuer a louch um Enn op der zweeter Plaz vum World-Tour-Klassement. D'Formatioun vum Patrick Lefèvère geet 2018 an hir 16. Saison. Ënnert de 27 Coureure soll de Lëtzebuerger Champion jo dëst Joer nach méi eng grouss Roll spillen.

De Bob Jungels ass net nëmmen de Kapitän vun der Equipe am Tour de France, mä och bei de Fréijoersklassiker spillt de Lëtzebuerger eng wichteg Roll a soll dem Philippe Gilbert an dem Julien Alaphilippe hëllefen eng Victoire erauszefueren.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.