Fotoen a VideoenCyclocross: Titele fir Søren Nissen a Christine Majerus

Zu Käl goufen um Samschdeg déi nei Championen am Cyclocross gesicht. Dorënner och: F. Schreiber, E. Rees, N. Kess, Ph. Reuter, M. Schreiber a J. Juncker.

Cyclocross-Championnat / Reportage Lynn Kayser



Cyclocross: Titele fir Søren Nissen a Christine Majerus (13.01.2018)
Zu Käl goufen um Samschdeg déi nei Championen am Cyclocross gesicht. Hei den Detail vun der Course vun der Elite.


Déi lescht Course war déi vun der Elite bei de Männer, an där och d'Espoire matgefuer sinn. Virun der Course gouf an enger Gedenkminutt dem kierzlech verstuerwenen Edy Carier geduecht. 

Edy Carier am Alter vun 71 Joer gestuerwen

De Søren Nissen, ee gebiertegen Dän, deen dëst Joer fir d'éischte Kéier mat engem Lëtzebuerger Pass fiert, konnt sech am drëtten Tour zesumme mam Felix Schreiber ofsetzen. Béid Coureuren hunn d'Course dominéiert an am leschten Tour huet de Søren Nissen sech vum neie Champion bei den Espoiren ofgesat.

FOTOGALERIE: Andréck vum Roland Miny op pressphoto.rtl.lu.



Well de Felix Schreiber als Espoir net bei der Elite klasséiert gëtt, konnt sech de Gusty Bausch déi zweete Plaz sécheren. Mat op de Podium kënnt och nach de Vincent Dias dos Santos.

Nieft dem Felix Schreiber stounge bei den Espoiren nach de Misch Leyder an de Ken Conter um Podium.

De Sören Nissen um Mikro vum Lynn Kayser



Cyclocross: D'Resultater an den Nowuesskategorien (13.01.2018)
Zu Käl goufen um Samschdeg déi nei Championen am Cyclocross gesicht.


Keng Konkurrenz gouf et bei den Damme fir d'Christine Majerus. D'Cyclistin vun der Equipe Boels Dolmans huet sech fir d'9. Kéier noeneen de rout-wäiss-bloe Maillot geséchert. Um Podium stoungen nach d'Nathalie Lamborelle an d'Elise Maes.

D'Christine Majerus um Mikro vum Lynn Kayser



Beschten Damm bei den Espoire war d'Edie Rees.



Bei de Junioren huet den Nicolas Kess gewonn. De Käler huet virum eegene Public d‘Nerve behal an huet sech um Enn souverän virum Arthur Kluckers behaapt. De Kluckers konnt 2 Tier viru Schluss de Réckstand nach op 7 Sekonnen verkierzen, ma erukomme sollt hien net méi. Op der Arrivée hat hien e Réckstand vu ronn 20 Sekonnen. Bronz geet un de Mik Esser.

Den Nicolas Kess um Mikro vum Lynn Kayser





Bei den Debutanten konnt sech de Favorit Philippe Reuter ganz souverän den Titel sécheren. De Préizerdauler huet sech vum Depart ewech ofgesat a sech mat enger Avance vun iwwer 1 Minutt op de Mats Wenzel an den Arno Wallenborn duerchgesat.

Bei den Debutant-Meedercher gëtt d'Marie Schreiber Championne. Plazen zwee an dräi ware fir d'Jil Langer an d'Lis Nothum.

© RTL Sport / Lynn Kayser


Bei de Masters war de Jérôme Juncker de Séiersten. Um Podium stoungen nach de Paul Bentner an de Serge Bertemes. De Jérôme Juncker konnt de Paul Bentner déi ganzen Zäit op Distanz halen.

© RTL Sport / Lynn Kayser




E gelongent Championnat am Cyclocross (14.01.2018)
Déi vill Spectatuere goufe mat flotte Coursë belount.


Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.