Doud vum Michael GoolaertsBelsche Coureur hat een Häerzinfarkt virun der Chute

Den 23 Joer ale Coureur aus der Belsch war no 109 Kilometer am zweete Pawee-Secteur bei Paris-Roubaix gefall a war un engem Häerzstëllstand gestuerwen.

© Veranda's Willems-Crelan / Twitter
Trauregen Dag fir de Vëlossport. Bei der 116. Editioun vum Klassiker Paris-Roubaix ass de Michael Goolaerts ëm d'Liewe komm.

De Coureur vun der Ekipp Veranda's Willems-Crelan war am zweete Pawee-Secteur an enger Descente vun der Strooss ofkomm an uerg gefall. Um Mëttwoch gouf bekannt, datt d'Chute vum Michael Goolaerts wéinst engem Häerzinfarkt ausgeléist ginn ass.

No der Chute hat de Michael Goolaerts misse reaniméiert ginn a war mam Helikopter an d'Spidol op Lille geflu ginn.

E Sonndeg den Owend koum déi traureg Nouvelle, datt de jonke Coureur vun 23 Joer net iwwerlieft huet.

Seng Ekipp hat dës Nouvelle iwwer Twitter bekannt ginn.

"Mat grousser Trauer musse mir den Doud vun eisem Coureur a Frënd Michael Goolaerts bekannt ginn. Hien ass e Sonndeg den Owend um 22.40 Auer an der Klinik zu Lille am Krees vu senger Famill a senge Frënn gestuerwen. Hien ass un engem Häerzstëllstand gestuerwen, all medezinesch Hëllef huet näischt gehollef", sou d'Schreiwes vun der Ekipp.




Eng toxikologesch Analyse soll elo klären, wous de Michael Goolaerts während der Course een Häerzinfarkt krut. Informatioune vum Parquet no, kann dat e puer Wochen daueren.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.