Giro d'Italia: 7. EtappSam Bennett wënnt de Massesprint virum Elia Viviani

De Simon Yates bleift de Leader am General, dat mat engem Virsprong vu 16 Sekonnen op den Tom Dumoulin.

© AFP (Archiv)
Op der 7. Etapp ass et iwwer 159 flaach Kilometer vu Pizzo op Praia a Mare gaangen. An d'Echappée vum Dag haten et den Davide Ballerini, de Markel Irizar an de Maxim Belkov gepackt. D'Sprinterekippe wollten dem Trio d'Victoire vun der Etapp awer net iwwerloossen an esou si si eng 12 Kilometer virun der Arrivée agefaange ginn.

No den 159 Kilometer ass d'Decisioun am Sprint gefall. Den Ir Sam Bennett war op de leschte Meter de Séiersten a konnt sech iwwert seng éischte Victoire am Giro freeën. Den Elia Viviani huet sech mat der zweeter Plaz missen zefridden ginn.



De Laurent Didier ass als 90. op 38 Sekonnen iwwert d'Arrivée gefuer, de Jempy Drucker hat als 127. e Réckstand vun 1 Minutt an 31 Sekonnen.

Am General bleift alles onverännert. De Simon Yates bleift mat enger Avance vu 16 Sekonnen op den Tom Dumoulin a Féierung. De Laurent Didier ass den 93. op 32 Minutten an 52 Sekonnen an de Jempy Drucker läit op der 139. Plaz, dat mat engem Réckstand vun 46 Minutten an 32 Sekonnen.

De Profil vun der Etapp
© Screenshot


Op der 7. Etapp sinn d'Coureuren am Giro d'Italia um Festland ukomm. Nodeems en Donneschdeg déi éischt Arrivée um Sommet um Programm stoung, ass et e Freideg nees méi einfach ginn. Iwwer 159 flaach Kilometer ass et vu Pizzo op Praia a Mare gaangen.

Resumé vun der Etapp
Op der 7. Etapp vum Giro d'Italia huet eng typesch Flaachetapp op d'Coureure gewaart. Fréi huet sech dann och d'Echappée vum Dag forméiert. No 10 Kilometer huet de Peloton den Davide Ballerini, de Markel Irizar an de Maxim Belkov fuere gelooss.  

No 60 Kilometer hat den Trio eng Avance vun 2 Minutten a 45 Sekonnen op de Peloton ronderëm de Leader Simon Yates.




Vill méi grouss ass d'Avance vum Trio un der Spëtzt net ginn, de Peloton huet se net méi wäit ewech fuere gelooss. Si haten tëschenduerch eng maximal Avance vun 3 Minutten an 30 Sekonnen.

77 Kilometer virun der Arrivée loung den Ecart nach bei 1 Minutt 37 Sekonnen.




Wat d'Arrivée méi no komm ass, wat den Ecart tëscht der Echappée an dem Peloton ëmmer méi kleng ginn ass. D'Sprinterekippen hunn den Tempo am Peloton ugezunn an de Virsprong ass geschmolt. D'Israel Cycling Academy huet den Tempo eng 18 Kilometer virun der Arrivée nach eng Kéier däitlech ugezunn, mam Resultat, datt den Ecart op 23 Sekonne geschmolt ass. De Kristian Sbaragli ass hire séierste Mann an der Ekipp.

Bei nach 12 Kilometer, déi ze fuere bliwwe sinn, war d'Echappée vum Dag Geschicht. D'Sprinterekippen hu sech du lues awer sécher am Peloton forméiert, fir sech op de Sprint virzebereeden.

De Sam Bannett hat um Freideg déi beschte Been an huet sech am Massesprint virum Elia Viviani d'Victoire geséchert.

Resultat vun der Etapp
1 Sam Bennett (Irl) Bora-Hansgrohe 3:45:27
2 Elia Viviani (Ita) Quick-Step Floors
3 Niccolo Bonifazio (Ita) Bahrain-Merida
4 Sacha Modolo (Ita) EF Education First-Drapac p/b Cannondale
5 Danny van Poppel (Ned) LottoNL-Jumbo
6 Jakub Mareczko (Ita) Wilier Triestina-Selle Italia
7 Clement Venturini (Fra) AG2R La Mondiale
8 Mads Pedersen (Den) Trek-Segafredo
9 Jurgen Roelandts (Bel) BMC Racing Team
10 Jens Debusschere (Bel) Lotto Soudal

Generalklassement
1 Simon Yates (GBr) Mitchelton-Scott
2 Tom Dumoulin (Ned) Team Sunweb 0:00:16
3 Esteban Chaves (Col) Mitchelton-Scott 0:00:26
4 Domenico Pozzovivo (Ita) Bahrain-Merida 0:00:43
5 Thibaut Pinot (Fra) Groupama-FDJ 0:00:45
6 Rohan Dennis (Aus) BMC Racing Team 0:00:53
7 Pello Bilbao (Spa) Astana Pro Team 0:01:03
8 Chris Froome (GBr) Team Sky 0:01:10
9 George Bennett (NZl) LottoNL-Jumbo 0:01:11
10 Fabio Aru (Ita) UAE Team Emirates 0:01:12




Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.