Flèche du SudJimmy Janssens wënnt aus Echappée eraus

Op der 4. Etapp ka sech den Jimmy Janssens virum Stephan Rabitsch duerchsetzen. Am General iwwerhëlt den Giannia Marchand d'Féierung.

An engem Sprint aus der Echappée eraus gewënnt den Jimmy Janssens virum Stephan Rabitsch an dem Gianni Marchand.




Am General iwwerhëlt den Gianni Marchand virum leschten Dag d'Féierung am General virum Stephan Rabitsch.

De beschte Lëtzebuerger gëtt de Colin Heiderscheid op 10. Plaz mat engem Réckstand vun 58 Sekonnen. De Pit Leyder gëtt de 14. an den Tom Wirtgen den 20. mam nämmlechte Retard wéi de Colin Heiderscheid.

Am General ass de Pit Leyder op der 8. Plaz mat engem Réckstand vun 1 Minutt an 8 Sekonnen an den Tom Wirtgen klasséiert sech op der 13. Plaz mam nämmlechte Réckstand.

PDF: D'Resultater vun der 4. Etapp an de General

Eng béis Iwwerraschung gouf et e Samschdeg de Moie fir den Tooltime Préizerdaul. D'Amateursekipp aus dem Grand-Duché krut 11 Vëloe geklaut.

PDF: Béis Iwwerraschung fir Tooltime Préizerdaul: Am Kader vun der "Flèche du Sud" goufen 11 Vëloe geklaut

Resumé vun der Course
Déi 4. Etapp vun der Flèche du Sud huet iwwer 147 km vu Réiser nees zeréck op Réiser gefouert. Am Ufank vun der Etapp konnt sech eng grouss Grupp mat insgesamt 10 Coureuren ofsetzen. No 57 km hat de Peloton dës Echappée awer nees agefaangen. Kuerz dono hu sech dann awer nees zwee Coureuren duerch d'Bascht gemaach. An dat waren den Gianni Marchand (Cibel-Cebon) an de Stephan Rabitsch (Team Felbermayr-Simplon Wels). D'Avance vun dësen Zwee ass awer ëmmer bei ongeféier 50 Sekonne bliwwen a konnte sech soumat net richteg ofsetzen.

Bei Kilometer 96 an der Côte vu Welfreng huet den Jimmy Janssens (Cibel-Cebon) aus dem Peloton eraus attackéiert a konnt op déi éischt Zwee opschléissen. Dësen drëtte Coureur hat der Echappée och gutt gedoen an de Virsprong ass méi grouss ginn. Den Ecart ass dono och ëmmer weider konstant bei iwwer enger Minutt bliwwen, sou datt den Trio un der Spëtzt net méi agefaange gouf. D'Decisioun ëm d'Victoire op der 4. Etapp ass tëscht dem Jimmy Janssens, Gianni Marchand a Stephan Rabitsch am Sprint gefall. De Jimmy Janssens hat hei déi beschte Been a gewënnt virum Stephan Rabitsch an dem Gianni Marchand, deen elo den neie Leader am General ass.

Jimmy Janssens wënnt 4. Etapp vun der Flèche du Sud (12.05.2018)
Onkommentéiert Bildmaterial.


Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.