Belgian Mountainbike ChallengeSøren Nissen bleift Leader no 2. Etapp

Et ass déi schwéierst Course vun dëser Zort déi et gëtt an de Søren Nissen ass hei den Topfavorit op d'Victoire.

© archiv
No der Victoire um Freideg, fiert de Søren Nissen op der zweeter Etapp no 100 Kilometer als 2. iwwert d'Arrivée. Gewanne konnt de Christoph Soukup aus Éisträich mat enger Avance vun 52 Sekonnen an Drëtte gëtt de Robbert de Nijs aus Holland. Mat engem Retard vu 35 Minutten an 13 Sekonnen, kënnt de Scott Thiltges op déi 43. Plaz.

Am General bleift de Søren Nissen de Leader mat enger Avance vun 3 Minutten an 13 Sekonnen op de Christoph Soukup. Hei ass de Scott Thiltges den 36. mat engem Retard vun 1 Stonn, 4 Minutten an 44 Sekonnen.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.