VIDEO: Flèche du SudSchlussvictoire fir den Gianni Marchand, Matthew Walls wënnt 5. Etapp

Op der leschter Etapp vun der Fléche du Sud gouf et am Sprint eng Victoire vum Matthew Walls, d'Schlussvictoire ass fir den Gianni Marchand.

Fir de Brit ass et schonns déi zweete Victoire bei der 70. Editioun vun der Fléche du Sud. De Matthew Walls hat jo déi éischt Etapp am Photo-Finish gewonnen. De Walls wënnt e Sonndeg virum Maxim Piskunov an dem Bas van der Kooij. De colin Heiderscheid gëtt als 5. op dëser Etapp de beschte Lëtzebuerger. De Jan Petelin gëtt den 22., de Pit Leyder kënnt op déi 24. Plaz, déi 39. Plaz ass fir de Luc Wirtgen. Den Tom Wirtgen gëtt de 47, de Mike Diener de 67., de Maxime Weyrich de 86. an de Felix Schriber kënnt op d'Plaz 103.

Am General ass et d'Schlussvictoire vum Gianni Marchand, dat virum Stephan Rabitsch an dem Jimmy Janssens. De Pit Leyder gëtt op 1 Minutt an 8 Sekonne de beschte Lëtzebuerger am General, dat als 8. am Schlussklassement. Den Tom Wirtgen gëtt de 17., de Jan Petelin den 38., de Luc Wirtgen gëtt de 45.. De Maxime Weyrich kënnt um Enn op déi 58. Plaz, den Tim Diederich op déi 95. Plaz. D'Plazen 103, 106 an 115 si fir de Felix Schreiber, de Colin Heiderscheid an de Mike Diener.

PDF: D'Etapp an d'Klassementer am Iwwerbléck

Eng béis Iwwerraschung gouf et e Samschdeg de Moie fir den Tooltime Préizerdaul. D'Amateursekipp aus dem Grand-Duché krut 11 Vëloe geklaut.

RTL-News: Béis Iwwerraschung fir Tooltime Préizerdaul: Am Kader vun der "Flèche du Sud" goufen 11 Vëloe geklaut

Schlussvictoire fir den Gianni Marchand (13.05.2018)
Op der leschter Etapp vun der Fléche du Sud gouf et am Sprint eng Victoire vum Matthew Walls, d'Schlussvictoire ass fir den Gianni Marchand.


Resumé vun der Etapp
Op der 5. a leschter Etapp goung et e Sonndeg iwwer 152 relativ flaach Kilometer vun Esch op Esch. Ronn 121 Kilometer virun der Arrivée hu sech 6 Coureuren duerch d'Bascht gemaach, dorënner och ee Lëtzebuerger, den Tom Wirtgen. Hie gouf begleet vum Cyrille Thiéry, dem Dennis van der Horst, dem Magnus Bak Klaris, dem Rick Ottema an dem David Rivière. Déi 6 Coureuren am Spëtzegrupp hu sech gutt verstanen a konnten hir Avance séier an d'Luucht schrauwen. Aus dem Spëtzegrupp war awer keen dobäi, deen dem Jannik Steimle geféierlech konnt ginn, wat d'Biergwäertung ugeet, esou dass hie sech d'Schlussvictoire an dësem Klassement séchere konnt.

No 80 Kilometer hat de Spëtzegrupp eng Avance vun 2 Minutten an 10 Sekonnen op de Peloton. Den Tom Wirtgen huet bei de Sprints um Wee Richtung Arrivée ëmmer nees versicht, sech an Aktioun ze setzen a konnt esou och e puer Punkte sammelen.

Am Peloton gouf awer weider gedréckt an esou ass de Virsprong vum Spëtzegrupp ëmmer weider geschmolt, ronn 20 Kilometer virun der Arrivée hate si nëmme méi 56 Sekonnen Avance op de Peloton.

Dunn ass de Spëtzegrupp explodéiert, et gouf Attacken, esou dass nëmmen nach de Magnus Bak Klaris an den David Rivière sech un der Spëtzt hale konnten. Mee och de Spëtzenduo hat et schwéier, well hir Avance ass weider erofgaangen.

10 Kilometer virun der Arrivée goufen dunn och déi lescht zwee Coureuren ageholl an de Peloton huet sech op ee Massesprint agestallt. Esou ass et och komm an do war et de Matthew Walls, dee sech duerchsetze konnt.




© Maya a Robert Straus


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.