VIDEO-ReportageAlex Kirsch wëllt sech beim Škoda Tour de Luxembourg beweisen

2014 hat den Alex Kirsch mat engem gudden Optrëtt am Škoda Tour duerch Lëtzebuerg de Grondsteen geluecht, fir kënne Profi ze ginn.

Alex Kirsch wëllt sech beim Tour de Luxembourg beweisen (23.05.2018)
2014 hat den Alex Kirsch mat engem gudden Optrëtt am Tour duerch Lëtzebuerg de Grondsteen geluecht, fir kënne Profi ze ginn.
Mat enger 3. Plaz am Prolog war de jonke Lëtzebuerger deemools eng éischte Kéier international op héijem Niveau mat vir bäi. Mat där gesammelter Experienz kéint de Cyclist, deen an der Belsch ënner Kontrakt ass, dëst Joer dann och eng ganz interessant Roll spillen.

RTL-NEWS: Skoda Tour de Luxembourg: Prolog integral a lescht Stonn vu 4 Etappen am Stream op RTL.lu

5.440 Kilometer Course verdeelt op 35 Deeg huet den Alex Kirsch an dëser Saison an de Been. Ugefaangen hat d'Saison am Februar mam Grand Prix la Marseillaise éier den 1,94 Meter groussen a 75 Kilo schwéieren Athlet iwwer 3 Etappecourssen d'Klassiker preparéiert hat. Déi nächst Woch steet mam Tour de Luxembourg e wiederen Highlight fir de Coureur aus der belscher Pro-Continental-Ekipp WB Aqua Protect Veranclassic um Programm.

Ouni Worldtour-Ekipp um Depart kann ee sech eng oppe Course op de Lëtzebuerger Stroossen erwaarden, ëmsou méi, well de Parcours mat dem Prolog an der Stad an den Arrivéeën um Schëfflenger Bierg, zu Déifferdeng um Col d'Europe an der Finall um Pabeierbierg um leschten Dag vill Méiglechkeete bidd, fir kleng Ecarten ze maachen.

D'lescht Joer war de 25 Joer jonke Lëtzebuerger beim Prolog 6. an zum Ofschloss an der Stad de Pabeierbierg erop excellenten 2. hannert dem BMC-Profi an Olympiagewënner Greg van Avermaet ginn. Am General stoung eng 38. Plaz zu Buch, déi 3. hannert dem Maurits Lammertink an dem Philippe Gilbert aus dem Joer 2016 bleift dobäi säi bescht Resultat.

Den Alex Kirsch ass am leschte Joer Kontrakt bei senger Ekipp, mat enger gudder Course op de Lëtzebuerger Stroosse géif de Coureur, zu engem Moment an der Saison, wou éischt Kontrakter fir déi nächst Joeren ënnerschriwwe ginn, eng gutt Visitëkaart ofginn.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.