Tour de Suisse, 2. EtappDe Peter Sagan wënnt no 155 Kilometer am Sprint

De Weltmeeschter Peter Sagan wënnt déi 2. Etapp vun der Suisse vu Frauenfeld zeréck op Frauenfeld. Am General bleift de Stefan Küng un der Spëtzt.

© afp (Archiv)
Op den 155 Kilometer vu Frauenfeld op Frauenfeld hunn d'Coureuren zu Herdern am ganze véier Mol de ee Col vun der drëtter Kategorie iwwerfueren. Insgesamt huet et sech awer ëm eng Sprinteretapp gehandelt.


Nodeems et während der Etapp verschidden Echappé'en gouf, huet 30 Kilometer de Grupp mam Albasini,Zaccanti,Quemeneur an dem Watson am geféierlechsten ausgesinn. Dës Echappé ass awer och 20 Kilometer virun der Arrivée agefange ginnn, sou dass alles op ee Sprint higedeit huet. Zu dësem sollt et dann och kommen. Hei setzt de Peter Sagan sech in extremis duerch. Dëst ass schonn dem Sagan seng 16. Etappevictoire beim Tour de Suisse. Zweete vun der Etapp gëtt de Fernando Gaviria, virum Nathan Haas. De Ben Gastauer gëtt den 107. op 2 Minutten an 2 Sekonnen.


Am Generalklassement ass de Stefan Küng nach emmer den Éischten a soumadder weiderhin am giele Maillot. Hei léit de Ben Gastauer op der 84. Plaz mat engem Retard vun 3:12 Minutten.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.