FOTOEN: GP General PattonRemco Evenepoel wënnt en solitaire, Arthur Kluckers gëtt 4.

Op der éischter Etapp vum GP General Patton ass et um Samschdeg iwwer 102 Kilometer vun Ettelbréck op Ëlwen gaangen.

© Maya & Robert Straus
Bei de Juniore gëtt dëse Weekend den traditionelle GP General Patton gefuer, eng international Vëloscourse fir Junioren. Op der éischter Etapp ass et um Samschdeg iwwer 102 Kilometer vun Ettelbréck op Ëlwen gaangen. Um Programm stounge 4 Biergpräisser, dat zu Géischdref, um Schëmperbierg, zu Selschent an zu Wäicherdang.  

Um Enn vum éischten Dag konnt sech de Remco Evenepoel d'Victoire sécheren. De Belsch ass eng ganz staark Course gefuer an hat no den 102 Kilometer e Virsprong vun 2 Minutten a 7 Sekonnen op de Peloton. Am Sprint vum Peloton war den Holläner Rick Pluimers de Séiersten, dat virum Soren Waerenskjold. Als beschte Lëtzebuerger huet sech den Arthur Kluckers als 5. klasséiert, dat och op 2 Minutten a 7 Sekonnen.

Weider Resultater vun de Lëtzebuerger:

19. Gilles Kirsch 2 Minutten an 10 Sekonnen
33. Loïc Bettendorff 3 Minutten an 52 Sekonnen
43. Nicolas Kess 5 Minutten an 20 Sekonnen
68. Pol Nothum 18 Minutten an 13 Sekonnen
72. Joé Michotte 18 Minutten an 53 Sekonnen
73. Rafael Pereira Marques 18 Minutten an 53 Sekonnen

Um Sonndeg geet et iwwer 93,8 Kilometer vu Munzen op Munzen.

Reaktiounen a Biller vum GP General Patton ginn et och e Sonndeg den Owend am Sport-Journal op der Tëlee.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.