Giro Rosa - 7. EtappAnnemiek van Vleuten pulveriséiert Konkurrenz

Op der 7. Etapp vum Giro Rosa huet d'Annemiek van Vleuten d'Konkurrenz a Grond a Buedem gefuer an iwwerhëlt och d'Féierung am General.

En Donneschdeg war een individuellt Zäitfueren am Giro Rosa ugesot an zwar eent vu 15 Kilometer mat engem Héichtenënnerscheed vun 1.000 Meter. D'Strooss vu Lanzada erop op Campo Moro besteet aus ville Serpentinnen an Tunnelle mat Pawee. D'Arrivée war op 2.000 Meter mat Bléck op de Piz Bernina. 

D'Zäitfuerweltmeeschterin huet der Konkurrenz net den Hauch vun enger Chance gelooss. D'Hollännerin huet fir déi 15 Kilometer 46 Minutten a 7 Sekonne gebraucht. D'Ashleigh Moolman aus Südafrika koum op déi zweete Plaz, dat mat engem Retard vun 2 Minutten an 28 Sekonnen. De Podium gouf komplettéiert vum Lucinda Brand. Si hat 2 Minutten a 54 Sekonne Réckstand. D'Christine Majerus verléiert 6 Minutten an 53 Sekonnen a kënnt op déi 29. Plaz.

Am General iwwerhëlt d'Annemiek van Vleuten elo och d'Féierung, hei huet d'Hollännerin elo eng Avance vun 2 Minutten an 53 Sekonnen op d'Amanda Spratt. Eng Sekonn hannert der Australierin ass d'Ashleigh Moolman. Hei steet d'Lëtzebuergerin op der 48. Plaz mat engem Retard vun 21 Minutten a 25 Sekonnen.

Resultat vun der 7. Etapp
1 Annemiek Van Vleuten (Ned) Mitchelton - Scott 0:46:06,74
2 Ashleigh Moolman-Pasio (RSA) Cervélo - Bigla Pro Cycling Team 0:02:28,50
3 Lucinda Brand (Ned) Team Sunweb 0:02:54,18
4 Megan Guarnier (USA) Boels - Dolmans Cycling Team 0:03:16,72
5 Amanda Spratt (Aus) Mitchelton - Scott 0:03:26,15
6 Elisa Longo Borghini (Ita) Wiggle - High5 0:03:27,55
7 Katarzyna Niewiadoma (Pol) Canyon SRAM Racing 0:03:37,94
8 Cecilie Uttrup Ludwig (Den) Cervélo - Bigla Pro Cycling Team 0:04:05,83
9 Alice Maria Arzuffi (Ita) Bizkaia Durango - Euskadi Murias 0:04:17,28
10 Tayler Wiles (USA) Trek - Drops 0:04:29,90
...
29 Christine Majerus (Lux) Boels - Dolmans Cycling Team 0:06:53,17

General no 7 Etappen
1 Annemiek Van Vleuten (Ned) Mitchelton - Scott 16:25:23
2 Amanda Spratt (Aus) Mitchelton - Scott 0:02:53
3 Ashleigh Moolman-Pasio (RSA) Cervélo - Bigla Pro Cycling Team 0:02:54
4 Lucinda Brand (Ned) Team Sunweb 0:03:01
5 Katarzyna Niewiadoma (Pol) Canyon SRAM Racing 0:04:21
6 Megan Guarnier (USA) Boels - Dolmans Cycling Team 0:04:33
7 Cecilie Uttrup Ludwig (Den) Cervélo - Bigla Pro Cycling Team 0:04:39
8 Ruth Winder (USA) Team Sunweb 0:05:52
9 Elisa Longo Borghini (Ita) Wiggle - High5 0:06:34
10 Sabrina Stultiens (Ned) WaowDeals Pro Cycling 0:06:36
...
48 Christine Majerus (Lux) Boels - Dolmans Cycling Team 0:21:25

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.