Postnord VargardaChristine Majerus mat Boels Dolmans net ze schloen

Zu Vargarda a Schweden gouf um Samschdeg bei den Dammen en Ekippenzäitfueren gefuer. An do gewënnt d'Christine Majerus mat Boels Dolmans virun Sunweb.

© Roland Miny (Archiv)
Dëst zielt zu de World-Tour Coursen an et ass schonn déi zweet kéier hannerteneen dat d'Christine Majerus mat Boels Dolmans dëst Ekippenzäitfueren zu Vargarda gewënnt.

An enger Zäit vun 53 Minutten a 7 Sekonnen war d'Ekipp ëm d'Lëtzebuergerin déi séierst um 42,5 km laange Parcours. Op déi 2. Plaz a mat engem Retard vu 16 Sekonnen koum d'Ekipp vu Sunweb. Mat 48 Sekonnen Réckstand gouf d'Ekipp Cervelo Bigla drëtten.

No der éischter Zwëschenzäit (16,4 km) louch Boels Dolmans just op der 6. Plaz mee an de Kilometeren dono hu se sech ëmmer weider gesteigert bis se um Schluss op der 1. Plaz louchen. Mat vill Reen a Wand war et eng schwéier Course fir all d'Cyclistinnen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.