VIDEO - Tour de MoselleLuc Wirtgen aus Lëtzebuerger Siicht déi gréissten Hoffnung

133 Coureuren sinn e Freideg de Mëtteg ëm 13.30 Auer op déi 150 Kilometer laang éischt Etapp vu Puttelange les Thionville op Gavisse gaangen.

© Tom Flammang
Mat dobäi an der Espoirs-Nationalekipp och 4 vun de 5 Coureuren, déi an 2 Woche bei der Stroosseweltmeeschterschaft zu Innsbruck an Éisträich fir Lëtzebuerg un den Depart ginn.

Nieft der FSCL-Ekipp war och de Ken Conter mat der Nowuessekipp vun AG2R um Depart an opgrond vun de gudde Resultater aus dem leschte Joer mat enger 3. Plaz am General duerch de Kevin Geniets an der Etappevictoire am CLM huet een och dëst Joer nees Ambitiounen.

Tour de Moselle: Luc Wirtgen gréisst Lëtzebuerger Hoffnung (14.09.2018)
133 Coureure sinn e Freideg de Mëtteg op déi 150 Kilometer laang éischt Etapp vu Puttelange les Thionville op Gavisse gaangen.


D'FSCL-Coureure waren am Ufank ganz aktiv an no enger éischter Attack vum Jan Petelin huet sech de Pit Leyder mat 5 weidere Cyclisten ofgesat. De maximalen Ecart vu 50 Sekonnen war awer am éischte Bierg vum Dag nees zougefuer an zu deem Ament huet sech déi gutt Echappée ofgesat. Mat dem Luc Wirtgen als eenzegem Lëtzebuerger.

Als Spectateur hat een den Androck, de Peloton kéint déi Avance, déi ni vill méi grouss wéi eng Minutt war, ëmmer nach zoufueren. Nodeems den Ecart awer bis op 40 Sekonne geschmolt ass, huet een an der Echappée awer reagéiert an esou ass d'Victoire um Enn fir de Belsch Thimo Willems, dee sech op de leschte Meter konnt behaapten.

De Luc Wirtgen ass eng gutt Course gefuer a bleift elo déi Lëtzebuerger Hoffnung fir de General, nodeems de Peloton mat iwwer 2 Minutten iwwer de Wäisse Stréch gefuer ass.

E Samschdeg de Moie kéint de Luc Wirtgen sech mat der Hëllef vu senge Kollegen aus der Nationalekipp mat engem gudde CLM par Equipe weider no vir schaffen, éier mëttes de schwéiere Parcours ronderëm Déifferdeng fir weider Ecarten dierft suergen.

© Tom Flammang


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.