Vuelta: 20. EtappMas wënnt Etapp - Yates steet kuerz virun Schlussvictoire

Um Samschdeg stoung déi lescht Biergetapp um Programm. De Valverde huet vill Zäit an och seng Plaz um Podium verluer.

© afp archiv
Op der zweetleschter an 21. Etapp vun der Vuelta ass et nach eng kéier richteg Biergaus gaangen. Op der nëmmen 97,3 km kuerzer Etapp vun Escaldes-Engordany (Andorra) op de Coll de la Gallina goufen et 3 Bierger vun der 1. Kategorie, 1 vun der 2. Kategorie, 1 vun der 3. Kategorie an zum Schluss ee vun der Hors Categorie ze bewältegen. Zum Schluss also nach eng kéier eng ganz schwéier Etapp déi op d'Coureuren gewaart huet.

Den Enric Mas konnt dës Etapp virum Miguel Lopez fir sech entscheeden. Den Alejandro Valverde hat eng Defaillance a konnt seng Plaz um Podium net verdeedegen. Am General konnt den Enric Mas op déi 2. Plaz no vir fueren an de Miguel Lopez op déi 3. Plaz. De grousse Verléierer vun dëser Etapp heescht Alejandro Valverde.

De Ben Gastauer kënnt mat engem vun 12 Minutten an 10 Sekonnen op déi 41. Plaz. Am General ass de Lëtzebuerger de 36. op 1 Stonn 28 Minutten an 52 Sekonnen.

De Profil


De Resumé vun der Etapp
Op där kuerzer awer schwéierer Etapp hunn d'Coureuren direkt vum Ufank un attackéiert an esou hat sech séier e Grupp  mam Bauke Mollema, Thomas De Gendt, Michael Woods a Rafael Majka ofgesat. De Belsch huet sech dono awer eleng un d'Spëtzt gesat fir sech d'Punkten ëm de Biergmaillot ze ergatteren. Déi 10 Punkten vum 2. Bierg vum Dag konnt hien sech dann och sécheren a konnt säi Virsprong ausbauen.

Hannert der Spëtzt gouf et ëmmer erëm immens vill Gruppen déi och virum Peloton ënnerwee waren a soumat war et eng net immens iwwersiichtlech Rennsituatioun.

65 km virun der Arrivée gouf et en Zesummeschloss an et war dunn e grousse Grupp un der Spëtzt an deem ënner anerem de Bauke Mollema, Rafael Majka, Vincenzo Nibali, Nicolas Roche an Michal Kwiatkowski vertruede waren. An och de Wilco Kelderman hat sech mat an de Grupp geschlach an huet domadder spekuléiert an d'Top 10 ze fueren.




De Jesus Herrada konnt sech awer kuerz dono eleng d'Spëtzt setzen an huet sech déi 10 Punkten um zweete Bierg geséchert.

Lues a lues an den Ecart vun der Spëtzt op de Peloton ëmmer méi kleng ginn a 34 km virun der Arrivée ass nees alles zesummegelaf an d'Spëtzecoureuren goufen ageholl. Elo war d'Course richteg lancéiert an et ass em Plazen am General gekämpft ginn. De Nairo Quintana war den éischten deen et an der Descente probéiert huet mee krut sech awer net richteg ofgesat.

8 km virun der Arrivée ass et an de leschte Col vun dëser Vuelta gaangen. De Nairo Quintana gouf direkt um Fouss distanzéiert an huet mam Alejandro Valverde de Col an den Ugrëff geholl a krute séier 50 Sekonnen Retard. Un der Spëtzt konnt de Yates och net méi mathalen an et waren de Miguel Lopez an den Enric Mas déi eleng un der Spëtzt louchen. Déi 2 Spuenier hunn dann och ëm de Podium gekämpft wëll de Valverde net konnt mathalen.

De Simon Yates konnt de Réckstand mat ëm 20 Sekonnen awer ëmmer a Grenzen halen an et gouf keng Gefor am Generalklassement fir de Brit.

Am Kampf ëm d'Victoire konnt sech den Enric Mas duerchsetzen a gewënnt dës schwéier Etapp.




D'Klassement vun der Etapp
1 Enric Mas Nicolau (Esp) Quick Step Floors 2:59:30
2 Miguel Angel Lopez Moreno (Col) Astana Pro Team 0:00:00
3 Simon Yates (GBr) Mitchelton - Scott 0:00:23
4 Thibaut Pinot (Fra) Groupama - FDJ 0:00:54
5 Rigoberto Uran (Col) Team EF Education First - Drapac p/b Cannondale 0:00:57
6 Wilco Kelderman (Ned) Team Sunweb 0:01:11
7 Steven Kruijswijk (Ned) Team LottoNL - Jumbo 0:01:15
8 David De La Cruz Melgarejo (Esp) Team Sky 0:02:17
9 Nairo Alexander Quintana Rojas (Col) Movistar Team 0:03:09
10 Alejandro Valverde (Esp) Movistar Team 0:03:09
41 Ben Gastauer (Lux) Ag2r La Mondiale 0:12:10

De General no der Etapp

1 Simon Yates (GBr) Mitchelton - Scott 79:44:30
2 Enric Mas Nicolau (Esp) Quick Step Floors 0:01:46
3 Miguel Angel Lopez Moreno (Col) Astana Pro Team 0:02:04
4 Steven Kruijswijk (Ned) Team LottoNL - Jumbo 0:02:54
5 Alejandro Valverde (Esp) Movistar Team 0:04:28
6 Thibaut Pinot (Fra) Groupama - FDJ 0:05:57
7 Rigoberto Uran (Col) Team EF Education First - Drapac p/b Cannondale 0:06:07
8 Nairo Alexander Quintana Rojas (Col) Movistar Team 0:06:51
9 Ion Izagirre Insausti (Esp) Bahrain - Merida 0:11:09
10 Wilco Kelderman (Ned) Team Sunweb 0:11:11
36 Ben Gastauer (Lux) Ag2r La Mondiale 1:28:52

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.