VIDEO: Cyclocross KeelMisch Leyder setzt sech ganz knapp virum Lex Reichling duerch

Zu Keel stoung e Samschdeg de Mëtteg deen drëtte regionale Cyclocross vun der Saison um Programm.

Misch Leyder setzt sech knapp virum Lex Reichling duerch (14.10.2018)
Zu Keel stoung e Samschdeg de Mëtteg deen drëtte regionale Cyclocross vun der Saison um Programm.

Bei der Elite konnt sech den Espoir Misch Leyder an enger spannender Course mat engem Virsprong vun 3 Sekonne virum Lex Reichling duerchsetzen. Um Podium stoung nach de Luc Turchi op 52 Sekonnen, hie war de leschte Weekend de Séiersten.

Bei de Junioren huet sech de Loïc Bettendorf fir d'drëtte Kéier dës Saison d'Victoire geséchert. Um Podium stoungen nach den Jordi Wagner an de Mik Esser. Si haten e Réckstand vun 1 Minutt an 13 Sekonnen respektiv 1 Minutt a 27 Sekonnen.

Beschten Damm war d'Nathalie Lamborelle, virum Elise Maes.

Bei de Masters hat de Gewënner Raphael Pierron e Virsprong vun 29 Sekonnen op de Jean-Philippe Jamaigne. De Jérôme Junker huet sech mat engem Réckstand vun 52 Sekonnen déi drëtte Plaz geséchert.

Bei den Debutante gouf et eng weider Victoire fir de Mathieu Kockelmann. D'Plazen zwee an dräi ware fir den Arno Wallenborn an den Alexandre Kess. Bescht Meedche war d'Caroline Reuter.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.