Cyclocross zu ZolderChristine Majerus kënnt op déi 25. Plaz

D'Lëtzebuerger Championne ass e Mëttwoch zu Zolder an der Belsch bei enger weiderer Manche vun der Coupe du Monde op déi 25. Plaz komm.

© pressphoto Archiv
D'Christine Majerus hat ee gudde Start erwëscht a konnt sech séier no vir schaffen, esou dass si op der zweeter Plaz louch. Am éischten Tour konnt si sech am éischte Grupp halen an ass als 8. an den zweeten Tour gaangen.

Dono hat d'Lëtzebuerger Sportlerin vum Joer awer Schwieregkeeten, fir den Tempo am Spëtzegrupp matzegoen, esou dass si un Terrain verluer huet.

Op der Arrivée ass si als 25. passéiert mat engem Retard vun 2 Minutten a 26 Sekonnen op d'Gewënnerin Marianne Vos aus Holland. D'Vos hat am Sprint virum Lucinda Brand gewonnen.

Déi aktuell Weltmeeschterin Sanne Cant koum op déi drëtte Plaz.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.