Cyclocross-ChampionnatVincent Dias Dos Santos gewënnt säin éischten Titel bei der Elite

Zu Brouch goufen um Sonndeg déi nei Lëtzebuerger Championen am Cyclocross gesicht.

Vincent Dias Dos Santos gewënnt säin 1. Titel bei der Elite (13.01.2019)
Zu Brouch goufen um Sonndeg déi nei Lëtzebuerger Championen am Cyclocross gesicht.

Resumé Cyclocross-Championnat / Reportage Lynn Kayser



Bei der Elite geet den Titel dëst Joer un de Vincent Dias dos Santos. Hien hat sech am zweeten Tour ofgesat an huet Tour fir Tour seng Avance ëmmer méi ausgebaut. Den Téitenger wënnt domat säin éischten Titel, dat virum Gusty Bausch an dem Scott Thiltges. Déi véiert Plaz ass fir de Lex Reichling. De Sören Nissen, de Champion vun 2018, hat näischt mam Ausgang vun der Course ze dinn a war no engem schwaachen Depart scho fréi an der Course wäit no hannen zeréckgefall.

De Vincent Dias Dos Santos um RTL-Mikro


De Gusty Bausch um RTL-Mikro



FOTOGALERIE: Andréck vum Roland Miny op pressphoto.rtl.lu.

PDF: Déi offiziell Resultater vun der Elite

Espoiren
Bei den Espoiren do ass et den Nicolas Kess, dee sech d'Victoire séchere konnt, dat virum Gewënner vum leschte Joer, dem Felix Schreiber. De Podium gouf komplettéiert vum Misch Leyder.

Den Nicolas Kess um RTL-Mikro


PDF: Déi offiziell Resultater vun den Espoiren

Dammen
10 Mol hannertenee konnt sech elo déi Lëtzebuerger Vëlosprofi Christine Majerus beim Cyclocross-Championnat bei den Dammen duerchsetzen. Domadder verdeedegt d'Christine Majerus hiren Titel, dat virum Elise Maes an dem Suzie Godart. D'Laetiti Maus séchert sech den Titel bei de Juniorinnen.

Klickt Iech duerch d'Fotoe vum Roland Miny op Pressphoto.rtl.lu.© Roland Miny pressphoto.rtl.lu

D'Christine Majerus um RTL-Mikro


PDF: Déi offiziell Resultater vun den Dammen
PDF: Déi offiziell Resultater vun de Juniorinnen

Masters
Lëtzebuerger Champion bei de Masters gouf de Jérôme Junker, dee säin Titel souverän verdeedege konnt. D'Plazen 2 an 3 ware fir de Christian Weyland an de Serge Bertemes.



Debutanten

Bei den Debutante geet den Titel un de Mathieu Kockelmann. Hie konnt sech am éischten Tour ofsetzen an huet och dës Course, wéi schonn déi ganz Saison iwwer, dominéiert. Um Podium stoungen och nach den Noé Ury an iwwerraschend de Jo Schmitz. Bei de Meedercher konnt sech d'Marie Schreiber duerchsetzen.


PDF: Déi offiziell Resultater vun de Masters an den Debutanten

Junioren
Bei de Juniore gouf et eng Victoire fir de Favorit Loïc Bettendorf. Bis den zweeten Tour war de Mik Esser nach bei him am Rad, ma dunn huet hie sech awer ofgesat an huet säi Virsprong bis zum Schluss vun de 40 Minutten ëmmer weider ausgebaut. Op d‘Plazen zwee an dräi sinn um Enn de Mik Esser an de Mats Wenzel gefuer. Si hunn domadder den Triplé fir den CT Atertdaul perfekt gemaach.

De Loïc Bettendorf um RTL-Mikro


© Roland Miny pressphoto.rtl.lu

PDF: Déi offiziell Resultater vun de Junioren

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.