Tour duerch Kolumbien: 1. Etapp2. Plaz fir de Bob Jungels a seng Ekipp

En Dënschdeg stoung beim Optakt vum Tour duerch Kolumbien een Ekippenzäitfueren iwwer 14 km um Programm. Gewonnen huet d'Etapp d'Ekipp EF Education First.

© pressphoto (Archiv)
Mam Start vum Tour duerch Kolumbien huet de Bob Jungels en Dënschdeg seng Saison offiziell lancéiert. Op der 1. Etapp stoung een Ekippenzäitfueren iwwer 14 Kilometer zu Medellin um Programm. Fir de Lëtzebuerger a seng Co-Equipiere vun Deceuninck-Quick-Step ass um Enn déi zweete Plaz erausgesprongen. Op der Arrivée hate si e Réckstand vun 8 Sekonnen op d'Gewënnerekipp EF Education First mat ënnert anerem dem Rigoberto Uran, dem Daniel Martinez an dem Taylor Phinney.

Am General läit de Rigoberto Uran a Féierung. De Bob Jungels ass de 5. op 8 Sekonnen.

Fir Deceuninck-Quick-Step sinn nieft dem Bob Jungels nach den Alvaro Hodeg, de Julian Alaphilippe, de Petr Vakoc, de Maximiliano Richeze an den Iljo Keisse um Depart.

D'Resultat vun der Etapp
1 EF EDUCATION FIRST 0:15:06,79
2 DECEUNINCK-QUICK-STEP 0:00:07,65
3 TEAM SKY 0:00:09,38
4 ASTANA PRO TEAM 0:00:21,20
5 UAE TEAM EMIRATES 0:00:34,60
6 TEAM MEDELLIN 0:00:40,14
7 MOVISTAR TEAM 0:00:44,16
8 EPM 0:00:52,00
9 COLDEPORTES BICI STRONGMAN 0:00:52,48
10 TEAM MANZANA POSTOBON 0:00:53,98

De General



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.