CyclissemBob Jungels fiert Giro a Vuelta, awer net Tour de France

Fir de Bob Jungels fänkt d'Saison 2017 lues a lues un.

Bob Jungels am Interview (11.01.2017)
Bob Jungels bei der Presentatioun vu Quickstep-Floors.
De Lëtzebuerger huet grad den éischte Stage vum Joer zu Calpe a Spuenien hannert sech.

Um Mëttwoch de Mëtten zu Coutrai an der Belsch ass d'Équipe fir déi nei Saison eng éischte Kéier der Press presentéiert ginn. Do gouf et dann d'Nouvelle, datt de Bob Jungels dëst d'Joer nees wäert de Giro d'Italia an d'Vuelta fueren, dofir awer net beim Tour de France un den Depart geet.

De Jungels ass d'lescht Joer beim Giro op déi exzellent 6. Plaz gefuer an hat och zäitweis de Rosa Leader Trikot op senge Schëlleren.

Bob Jungels fiert Giro a Vuelta, awer net Tour de France (11.01.2017)
Fir de Bob Jungels fänkt d'Saison 2017 lues a lues un.

Mat dobäi op der Presentatioun waren och d'Kapitäne Marcel Kittel, Tom Boonen a Philippe Gilbert, deen vu BMC bei Quick-Step Floors gewiesselt ass.



Fir di belsch Formatioun ass et mëttlerweil déi 15. Saison. Kleng Changementer gouf et bei de Sponsoren, d'Equipe huet de Numm vun Etix-Quickstep op Quickstep-Floors geännert. An deenen 15 Joer konnte 560 Victoiren um héchsten Niveau gefeiert ginn. Di lescht 5 Joer war een di erfollegräichst Profiequipe. 2016 huet een 60 Course gewonnen.

Den Toni Martin huet d'Equipe verlooss, ee neie Co-Equipier vum Lëtzebuerger ass elo de Belsch Philippe Gilbert. Mam Marcel Kittel behält een deen aktuell beschte Sprinter a senge Reien. Bei de grousse Tier ass de Bob Jungels Leader beim Giro an der Vuelta. Am Tour de France ass dëst Joer, wei och schonn 2016, den Ir Dan Martin den Leader fir d'Equipe. Den Tom Boonen hält no den Fréijoersklassiker mat senger Proficarrière op.

Um Mëttwoch den Owend gëtt dann nach de Film "One year in blue" virgestallt.

Et si Biller hannert de Kulissen vun der Saison 2016, déi jo och fir de Bob Jungels excellent verlaf ass.

Quick-Step Floors (11.01.2017)
Trainingslager zu Denia


One year in blue (11.01.2017)
Trailer


Bob Jungels / Reportage Rich Simon



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.