VIDEOEN + FOTOGALERIEN - Cyclocross-WM zu BielesSanne Cant Weltmeeschterin, Christine Majerus gëtt gutt 7.

Bei den Dammen konnt sech d'Sanne Cant de WM-Titel secheren. D'Christine Majerus gëtt 7. Bei de Juniore war de Brit Thomas Pidcock um Enn dee séiersten.

Optakt vun der Cyclocross Weltmeeschterschaft zu Bieles (28.01.2017)
Dausende Spectateure waren haut zu Bieles an hunn déi 7. Plaz vum Christine Majerus live materlieft.


Sanne Cant Weltmeeschterin, Christine Majerus gëtt gutt 7. (28.01.2017)
Bei den Dammen konnt sech d'Sanne Cant de WM-Titel secheren. D'Christine Majerus gëtt 7. Bei de Juniore war de Brit Thomas Pidcock um Enn dee séiersten.


FOTOGALERIE vum Roland Miny
FOTOGALERIE: Cyclocross zu Bieles (Val Wagner)
FOTOGALERIE: D'Fotoe vum Henri Schwirtz!

D'Sanne Cant aus der Belsch ka sech bei der Dammen Elite de WM-Titel secheren. Si setzt sech um Enn géint d'Hollännerin Marianne Vos duerch. Fir d'Sanne Cant ass et deen éischte Weltmeeschterschaftstitel. Op déi drëtt Plaz kënnt d'Katarina Nash aus Tcheschien. D'Lëtzebuergerin d'Christine Majerus ass op déi gutt 7. Plaz komm. D'Nathalie Lamborelle ass op déi 23. Plaz komm, mat engem Retard vun 5 Minutten 51 Sekonnen op d'Gewënnerin aus der Belsch. D'Susi Godart konnt d'Course net fäerdeg fueren. D'Marianne Vos war iwwer wäit Strecken vir an der Course, ma am leschten Tour krut d'Hollännerin e Problem mat hirer Ketten. Vun deem technesche Problem wousst d'Sanne Cant ze profitéieren a konnt do laanscht d'Marianne Vos zéien.

Resumé Dammecourse / Reportage Rich Simon





D'Briten dominéieren d'Course vun de Junioren - Rich Simon


Bei de Juniore war um Enn den Thomas Pidcock dee séiersten. Dat viru senge britesche Landsmänner Daniel Tulett a Ben Turner. Beschte Lëtzebuerger gëtt de Felix Schreiber als 40. mat engem Retard vu 6 Minutten an 30 Sekonnen. Zweetbeschte Lëtzebuerger gëtt de Ken Conter op der 42. Plaz an de Misch Leyder gëtt den 48.. Den Nicolas Kess gëtt de 55. an de Lëtzebuerger Champion Tristan Parrotta fiert als 60. iwwert d'Arrivée. Allebéid goufen allerdéngs net méi klasséiert, well hire Retard ze grouss war.

An der Course vun den U23 Damme war d'Annemarie Worst aus Holland um Enn déi séierst. Déi zweet Plaz war fir d'Ellen Noble aus den USA virum Evie Richards aus Groussbritannien. D'Lëtzebuergerin Edie Rees gëtt 34. op 7 Minutten an 1 Sekonn.

Reaktiounen U23 Dammen a Junioren / Rep. Lynn Kayser



© Roland Miny


E Sonndeg ass et dann un den Hären.

Wéinst de ville Spectateure kënnt et ronderëm Bieles och zu vill Trafic. Et soll een op den ëffentlechen Transport zréck gräifen. Leit, déi mam Auto kommen a kee Badge hunn, sollen d'P&Riden Gadderscheier a Crassier Éilereng benotzen.

Déi aner Parkplazen si schonn iwwerfëllt.

FOTOGALERIE: D'Fotoe vum Henri Schwirtz!

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.