Tour de France

Grouss Fotogalerie a vill VideoenD'Grande Boucle am Grand-Duché: E gellegt Fest!

Ganz vill Leit hunn den Tour de France duerch Lëtzebuerg begleet. An eiser News mam Liveticker fannt Dir vill flott Andréck, Fotoen a Videoe vum Event.

Déi 3. Etapp vum TDF goung e Méindeg iwwer 212,5 km vu Verviers op Lonkech. Ronn 112 km sinn d'Coureuren iwwer Lëtzebuerger Stroosse gefuer: Et goung iwwer Ëlwen, Wëntger, Wolz, Esch/Sauer, Mamer a Lampech erof an de Süde vum Land op Esch, éier de Peloton du weider a Frankräich gefuer ass, mat Arrivée géint 17.30 Auer zu Lonkech. An do konnt sech de Peter Sagan iwwer eng Victoire am Sprint freeën.

RTL-NEWS: Victoire fir sagan op drëtter Etapp.



De ganzen Dag iwwer konnt Dir eis Är TDF-Fotoen op foto@rtl.lu eramailen - an et koume ganz vill Biller, hei en décke Merci dofir! A vill Spaass beim Kucke gewënscht :-)

FOTOGALERIE: Déi drëtt Etapp zu Lëtzebuerg.
FOTOGALERIE: Déi drëtt Etapp um Wee op Lëtzebuerg.

Ganz vill Lëtzebuerger Supporter nieft der Streck! Hei geet et bei d'Fotoe vum Roland Miny op pressphoto.rtl.lu.© Roland Miny - pressphoto.rtl.lu


FOTOGALERIE: Impressiounen aus der Course op pressphoto.rtl.lu



Wéinst dem Passage vum Tour de France waren eng ganz Partie Stroosse fir den Trafic gespaart. En Dënschdeg ass zu Munneref den Depart vun der 4. Etapp. Vun do aus geet et dann iwwer Biermereng a Schengen no 7,5 km eriwwer a Frankräich, bis erof op Vittel.

HORAIREN: Den Detail vun der 3. Etapp.
HORAIREN: Den Detail vun der 4. Etapp.

Bal all d'Gemengen, duerch déi de Peloton fiert, hu Manifestatioune ronderëm den Tour organiséiert. Op ville Plazen gouf respektiv gëtt d'Etapp och op groussen Ecranen iwwerdroen.

De Sportminister Romain Schneider ass begeeschtert



Am Virfeld war och decidéiert ginn, dass e Méindeg de Mëtteg eng ganz Partie Lycéeë fräi hunn, well et ze komplizéiert gi wier, de Schülertransport ze garantéieren.

Déi 3. Etapp um Méindeg gouf op RTL Télé an RTL.lu iwwerdroen - e Méindeg den Owend bréngt d'Tëlee eng ganz Rëtsch vu Reportagen iwwert den TDF am Grand-Duché!

Och en Dënschdeg fir den Depart vun der 4. Etapp zu Munneref ass RTL live mat dobäi, dat da scho vun 11.30 Auer un.




NDLR : Veuillez noter que les points sur la carte sont situés sur les communes et non sur les axes empruntés. Si vous passez à proximité ou souhaitez vous rendre sur place, prenez soin de suivre la signalisation installée pour l'occasion.

Liveticker Alles uweisen


Vum Passage vum TDF huet och Greenpeace profitéiert: D'Ëmweltorganisatioun huet zu Wilwerdang géint Tihange an zu Esch géint Cattenom protestéiert. Nieft der Streck hat si dowéinst Anti-Atom-Pancarten opgehaangen.





Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.