Tour de France

Tour de France - 7. EtappFavoritte musse viru Bordurë gewarnt sinn

Am General huet de Greg van Avermaert weider de Giele Maillot, dat mat enger Avance vun 3 Sekonnen op de Geraint Thomas.

Um Freideg steet mat 231 Kilometer déi längsten Etapp an dëser Grand Boucle um Programm. Aus dem Oste vum Hexagone geet et vu Fougères Richtung Zentrum op Chartres.

FOTOGALERIE: Tour-Andréck vum Roland Miny op pressphoto.rtl.lu.

Tour de France


Presentatioun vun der Etapp
Et ass eng flaach 7. Etapp an dat bedeit am allgemengen, dass d'Sprinter sech e Freideg nees dierften an Evidenz setzen.

Dat ass awer just Theorie. Praxis kéint eng aner sinn. Et geet nämlech duerch d'Plaines de Beauce. Wann et hei bléist, da si Bordure virprogramméiert. Et wier net fir d'éischt, dass ee vun de Favoritte fir de General an der éischter Woch duerch eng Bordure vill Zäit an domadder och den Tour de France verléiert.

Wann de Wand awer net den Trouble Fête spillt, dann dierfte mir e Freideg nees d'Leit mat den décke Been op den éischte Platzen op der Arrivée gesinn.



Den Depart ass um 12.05 Auer an d'Arrivée géint hallwer 17.30 Auer.

PDF: Informatiounen iwwert déi 7. Etapp

Situatioun am General
© Screenshot


Journal du Tour
Biller vum Tour de France kann een op de 5 Kontinenter gesinn. Fir dass dat awer klappt gehéiert eng enorm Logistik dozou. Do wou sech alles ofspillt fir dat duerch d'ganz Welt den Tour de France ka gekuckt a gelauschtert ginn, dat ass an der Zone Technique. Déi ass  ëmmer nieft der Arrivée ofgeriicht. Vun do aus ginn och ons Sujete fir Télé a Radio montéiert. Wéi dat alles verleeft, huet de Gilles Tricca nogefrot.

Journal du Tour / Reportage Rich Simon a Gilles Tricca



PDF: Hei fannt Dir d'touristesch Informatiounen iwwert déi 7. Etapp



Den Tour de France op Twitter