Coupe de Luxembourg


Union Titus Pétange (ND) 1 2 RFCUL (ND)
Ugepaff ëm 20:00
180 Zuschauer sinn sech dësen Matcher ukucken komm.
Fin de partie (1 - 2)
90+4' De Match ass gelaf zu Péiteng an Racing ass de Gewënner. De Stater Racing steet an der 1/2 Finall vun der Coupe de Lëtzebuerg no dëser verdéngter Victoire. An der éischter Halschent war et nach eng ausgeglachen Partie, mat béiden Ekippen déi gutt am Match waren, an alles ginn hunn fir de Match ze gewannen. An der zweeter Halschent huet Péiteng de Ball gehat, awer wéi gesot ouni kloer Golchancen, sou kann een och keen Gol schéissen. Et war keen staarken Match vun der Péitenger Attack. Racing heescht also déi glécklech Ekipp déi eng ronn weider ass. Gléckwonsch un déi Stater. Schéinen Owend gewënscht.
90' Jahier J.
90' Da Mota Alves D.
89' Puer Minutte bléiwen nach fir dat Péiteng de Gol schéisst fir an Verlängerung.
Duque T. 88'
Et geet einfach net duer mat der Péitenger Leeschtung haut. Vum villen Ballbesëtz huet een näischt, wann een net geféierlech ass a Richtung géignereschen Gol. 88'
Péiteng setzt alles no fir, an Racing ass um Punkt et auszenotzen. Et ass puer Mol geféierlech ginn fir Péiteng, well Racing ëmmer nees schnell no fir op Konter spillt, an Péiteng wéineg Spiller hannen huet. 87'
Bei béiden Ekippen gesäit een dat se immens midd sinn. Vill Spiller kréien keng riicht Pass méi hin, aner kréien keng Kontroll méi gemaach. 84'
81' Nach ronn zéng Minutte sinn ze spillen, an et gesäit net gutt aus fir Péiteng. Si hunn de Ball, probéieren bei de Gol ze kommen, mee si kommen net dozou flott an geféierlech Aktioun erauszespillen.
78' Den Da Mota gëtt an de Laf geschéckt , hien kennt awer net laanscht de leschten Verteideger, deen him de Ball gutt ewech hellt. Do war awer eng gutt Chance fir de Racing, well Péiteng mëscht just nach mat engem Mann zou.
Alles oder näischt. Sou heescht et d Moment zu Péiteng. De Péitenger Ekipp steet de Moment mat all de Männer op der géignerescher Halschent, wat immens geféierlech ass, well de Racing ass ganz schnell op Konter. 75'
Zinga Casemiro G. 71'
Lahyani K. 71'
Péiteng packt et de Moment net geféierlech ze ginn. Vill héich Bäll op de Banza, deen se och net alleguer erof kritt. Méi ass de Moment net do. 70'
67' Et ass nees keen schéinen Match. D'Spiller vun Péiteng versichen ëmmer nees en Eelefmeter ze kréien. De Racing probéiert dann Zäit ze verléieren an gëtt ëmmer nees eng giel Kaart gefrot. Net schéin de Moment.
ET kennt ëmmer méi vun der Lokalekipp. Si probéieren de Match an de Grëff ze kréien . Racing spillt op Konter, si loossen sech zeréck falen, an probéieren schnell no fir ze schalten duerch den schnellen Da Mota. 62'
Avdusinovic K. 60'
Gashi E. 60'
57' Racing léist sech ëmmer méi no hannen drécken an Péiteng huet ëmmer méi de Ballbesëtz an versichen och méi geféierlech ze ginn an den leschten Meter.
Péiteng versicht den zweeten ze schéissen, de Moment awer ouni Succès. Et muss méi kommen vun deenen Péitenger fir an 1/2 Finall ze kommen. 52'
49' Déi zweet Halschent ass de Moment net immens spannend. Weder Péiteng nach de Racing kréien et hin méi wéi dräi Passen um Stéck ze maachen. Et gesäit een dat et em eppes geet an dësem Match.
46' De Ball rullt nees.
Mi-temps (1 - 2)
45+2' 2:1 heescht et an der Paus fir de Stater Racing. Et kann een awer net soen dat et kloer verdéngt ass. Péiteng ass besser an de Match komm, awer ouni Succès. Vir net eran, an Zack gëtt een hannen bestrooft, an dat duerch den Da Mota, deen den 1:0 fir de Racing geschoss huet. Nom Gol war de Racing besser am Match an hunn der nach e puer konnten schéissen. Kuerz drop ass den Ausgläich aus dem näischt gefall, duerch de Banza. Péiteng huet sech awer net konnten laang freeë, well kuerz drop huet de Racing den 2:1 geschoss duerch de Nyssen. Eng spannend éischt Halschent hunn mir gesinn. Mir freeën ons op déi zweeten Halschent.
45' Racing spillt ganz schnell op Konter an do war bal den 3:1 duerch den Da Mota. Déi Stater spillen hien schnell an de Laf, an meeschtens huet déi Péitenger Verteidegung näischt ze gutt.
Des Kéier probéiert Péiteng direkt den Ausgläich ze fannen, awer ouni Reussite de Moment. 43'
41' An nees ass et sou, dat de Stater Racing an Féierung geet, ouni et verdéngt ze hunn. Péiteng war vill besser am Match bis dohin.
38' Nyssen B.
Fräistouss am Strofraum fir de Racing duerch e geféierlech héijen Fouss. De Fräistouss gëtt op den zweeten Poto gespillt, wou de Nakache de Ball op den éischten zeréck käppt an de Nyssen de Ball nëmmen nach an de Filet drécken muss.
36'
Péiteng huet de Moment vill méi vum Spill wéi de Racing. Nom Gol huet de Racing näischt méi vum Match an et sinn Lokalhären déi de Match am Grëff hunn de Moment. 34'
32' Shala F.
Banza S.
Gol fir Péiteng duerch de Banza. De Gol hätt net missten gezielt ginn, duerch en héijen Fouss vum Banza, den Arbitter huet et awer net gesinn, an et steet also 1-1 zu Péiteng. De Gol war eng flott Aktioun vun der Lokalekipp, wou de Schreiner ( Ex Racing Spiller) de Ball op de Banza flankt, deen de Ball aus der Luucht erof hellt an de Gol trefft.
31'
29' Keen einfachen Match fir den Arbitter an seng Assistenten. D'Spiller léien zimlech oft um Buedem, an et gëtt ëmmer nees déi eng oder aner giel Kaart gefrot.
27' Zuschauer kréien en haarden Match ze gesinn zu Péiteng. Béid Ekippen zéien de Fouss net ewech. Et huet een zimlech staark Feeler ze gesinn kritt.
Péiteng versicht sou lues an lues nees an de Match ze kommen fir den Ausgläich ze fannen. De Racing steet op séchere Been hannen, an gëtt deenen Péitenger keng Méiglechkeet fir un de Gol ze kommen. 23'
20' Nuidra T.
17' Corner fir de Racing, deen de Spiller vu Racing e puer Millimeter laanscht de Gol käppt. De Gol huet hei zu Péiteng der Lokalekipp immens vill wéigedoen. Racing spillt ouni Drock nom Féierungsgol.
14' De Stater Racing huet bis op de Gol näischt ze gutt gehat. Keng Golchance an och wéineg Ballbesëtz haten se. Zënter datt de Gol gefall ass, spillt hei just nach eng Ekipp, an zwar déi Stater.
12' Da Mota Alves D.
No engem Ballverloscht vun der Péitenger Ekipp, kennt de Ball op den Da Mota, deen eleng a Richtung Gol leeft, an de Ball labber an de Filet setz.
Ganz kloer Golchance fir Péiteng. Si setzen sech gutt iwwert déi lénks Säit duerch, ginn de Ball op den éischten Poto an do steet de Banza deen de Ball mat der Spëtz kritt, mee de Golkipper vum Racing kritt de Ball op der Linn gekläert. 9'
6' Péiteng ass déi besser Ekipp an deenen éischten Spillminutte. Si spillen mat laange Bäll op de Stiermer, deen hellt de Ball erof an verdeelt Bäll un de Recht vun der Ekipp.
3' Puer Minutte sinn gespillt zu Péiteng, an béid Ekippen probéiere de Ball ze halen an op de géignereschen Gol ze kommen
1' De Ball rullt zu Péiteng.
Arbitter vum Match ass den Här Durieux Alain, assistéiert vum Mateus Santos David an vum Becker Gilles.
Opstellung vu Péiteng: Chopin Jean, Schreiner Nicola, Banza Simon, Gashi Eliot, Bojic Filip, Kheyari Sofian, Alves Miranda Diego, Pereira Manuel, Handzic Kenan, Dzanic Semsudin, Lahyani Khalid Ersatzspiller: Zinga Glodi, Vitali Ivan, Skenderovic Delvin, Avdusinovic Kenan, Bjelic Ajdin
Opstellung vum Racing: Ruffier Romain, Semedo Alexandre, Da Silva Henrique, Nyssen Benoit, Da Graca Yanick, Nouidra Tarik, Nakache Kevin, Humbert Julien, Osmanovic Edis, Shala Florik, Da Mota Daniel Ersatzspiller: Engel Lars, Simon Pit, Jahier Julien, Bahloul Yanis, Dionisio José
Gudden Owend vu Péiteng, wou den Owend ¼ Finallen vun der Coupe de Lëtzebuerg gespillt ginn, tëscht Péiteng an de Racing. Péiteng huet an der 1/8 Finall géint de Progrès Nidderkuer gewonnen mat 1:0. De Stater Racing huet d’Jeunesse Esch mat 3:1 op der Grenz geklappt. Béid Ekippen wëllen an ½ Finall vun der Coupe kommen, wat eng grouss Iwwerraschung wär, wann een gesäit dat Diddeleng, Nidderkuer, d’Fola oder och nach d’Jeunesse net méi dobäi sinn. Mir freeën ons op en spannenden Match, an hoffen vill Goler ze gesinn. Fir iech um Match ass et de Kevin.
But    But contre son camp    Entrée   
Carton jaune    Carton rouge    Sortie   
But sur penalty    Penalty manqué    Carton Jaune/Rouge   
Blessé