HandballKäerjeng klappt HC Shakhtar am Challenge Cup 32 op 30

Den Allermatch war e Freideg den Owend, de Retourmatch gëtt schonn den dag drop gespillt - dat och zu Käerjeng.

© Serge Olmo
Am Handball huet am europäeschen Challenge Cup den HB Käerjeng den Aller-Match géint Shakhtar Donezk aus der Ukrain mat 32-30 gewonnen.

Déi Gréng vu Käerjeng waren no 11 Minutten 8-4 vir. Si sinn do an e Lach gefall a kruten en 0-5 géint sech geschoss.

Virum Säitewiessel hate si nees eng besser Phas. An der Paus war d'Lokalequipe um Käerjenger Dribbel mat 18-15 am Avantage.

Eng Véierelsstonn virun Enn war de Käerjenger Ecart ëm 1 Goal geklommen beim Resultat vu 24-20.

Ee Moment war d'Lokalequipe esouguer 7 Goaler am Avantage.

Den Ecart ass an der Schlussphas geschmolt, well déi Käerjenger net méi esou konzentréiert gewierkt hunn.



De beschte Käerjenger Marqueur bei der 32:20-Victoire war den Tom Meis mat 6 Goaler.

De Retourmatch ass schonn um Samschdeg an dat um 18 Auer.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.