HandballLëtzebuerg spillt Testmatch géint Griichenland gläich

20-20 trenne sech d'Lëtzebuerger Nationalequipe a Griichenland bei engem Frëndschaftsmatch.

© Serge Olmo / RTL Sport

D’WM-Qualifikatioun vun der Lëtzebuerger Handball Nationalequipe fänkt e Mëttwoch un an dat géint Finnland. D’Weltmeeschterschaft selwer gëtt 2019 an Däitschland gespillt.

Fir d’Qualifikatiouns-Matcher ze preparéieren, war e Sonndeg den Owend en Testmatch géint Griicheland. Viru 500 Spectateuren zu Esch Lalleng hu Lëtzebuerg a Griichenland 20-20 gläich gespillt. D’Lëtzebuerger si mat enger kompletter Equipe ugetrueden, ausser déi blesséiert Max Kohl a Sacha Pulli.

No enger Véierelstonn stoung et  4-4 gläich. Et si net vill Goaler gefall, mä den Niveau war ganz an der Rei. An der Paus waren d’Visiteuren 9-8 am Avantage.

© Serge Olmo

Nom Säitewiessel waren d’Griiche staark an der Defense a iwwer gewësse Phasë präzis beim Worf. No 51 Minutte waren si 5 Goaler vir.

D’FLH-Selektioun huet sech an der Schlussphas eru gekämpft. De Yann Hoffmann huet quasi an der leschter Sekonn den 20-20 marquéiert.

Déi rout Léiwe ware selwer awer och gutt an der Defense. Am Ugrëff dogéint ass nach vill Loft no uewen.

Beschte Lëtzebuerger Butteur war den Tommy Wirtz mat 4 Goaler.

Et war den éischten Match ënner dem neien Nationaltrainer Maik Handschke.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.