HandballBierchem a Red Boys wannen

Bierchem war Gaascht zu Diddeleng an d'Red Boys vun Déifferdeng kruten et mat Käerjeng ze dinn.

© Gilles Tricca
Hären
An der éischter Halschent war et e ganze enke Match tëscht deenen zwou Equippen. Bierchem huet ëmmer nees probéiert sech ofzesëtzen mee Diddeleng huet se net zéie gelooss sou dat et mat engem 15:16 an d'Paus gaangen. An der zweeter Halschent huet Bierchem et dann awer gepackt sech ofzesëtzen a gewannen schlussendlech dann awer däitlech 34:25.

Handball: Diddeleng-Bierchem (10.12.2017)
Um Samschdeg huet sech den HB Diddeleng doheem kloer mat 25 op 34 géint den HC Bierchem musse geschloe ginn.


Den zweete Match tëscht de Red Boys a Käerjeng war am Géigendeel awer bis zum Schluss spannend. Mat engem Remis (14:14) sinn béid Equippen an d'Paus gaangen. An der zweeter Halschent konnte sech d'Red Boys e liichte Virdeel verschafen a gewannen mat 34:32 géint d'Gäscht vu Käerjeng.

Am Match tëscht den zwee leschten an der Tabell, ka sech Péiteng mat 30:25 (16:11) géint Dikrech duerchsetzen. Am véierte Match gewënnt den HB Esch doheem ganz däitlech mat 41:18 (19:9) géint Schëffleng.

© Serge Olmo


LINK: Alleguer d'Matcher vun den Hären am Iwwerbléck

Dammen
Bei den Dammen gouf et um Samschdeg zwou däitlech Affären. Den HB Diddeleng gewënnt mat 32:13 (13:8) géint den HB Museldall an d'Red Boys verléieren mat 21:28 (8:13) doheem géint Käerjeng.

LINK: Alleguer d'Matcher vun den Dammen am Iwwerbléck

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.