Handball: Käerjeng-Klaipeda an Diddeleng-Tongeren

Um Dënschdeg war den Tirage vu verschiddenen europäesche Couppen. Op déi Lëtzebuerger Vertrieder waarde Géigner aus Litauen an aus der Belsch.

Di Käerjenger Handball-Häre spillen am 1. Tour vum EHF Cup géint Klaipeda Dragunas aus Litauen.

Den Aller-Match ass de Weekend vum 7./8. September zu Käerjeng virgesinn. De Retour-Match ass dann de Weekend vum 14./15. September a Litauen. Allerdéngs kann dat nach änneren.

Donieft ass och di 3. Ronn am Challenge Cup gezu ginn an do spillt de Coupegewënner HB Diddeleng géint Tongeren aus der Belsch.

Bei den Dammen spillt an der 2. Ronn vum europäeschen EHF Cup den HB Diddeleng géint AC Loux Patras aus Griicheland.

A sollt den HB Esch an der Champions League géint Halmstad aus Schweden net weiderkommen, da waart op déi Escher am EHF-Cup mat Kristianstad ee weidere Veräin aus Schweden.

 

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.