Lëtzebuerger Volleyballer a Basketballer am AuslandNéierlag fir Meynadier a Laurent

E Sonndeg war ë.a. d'Magaly Meynadier an der Basketball-Bundesliga gefuerdert.

© pressphoto (Archiv)
An der éischter däitscher Basketball-Bundesliga verléiert d'Magaly Meynadier mat de Saarlouis Royals 63:92 géint TSV 1880 Wasserburg.

Den Alex Laurent kann an der éischter hollännescher Basketball-Liga och am aachte Match keng Victoire afueren. Mat den Helder zitt hien knapps mat 73:76 géint Rotterdam de kierzeren.

Wiesbaden mam Annalena Mach zitt mat 1:3 (9:25, 15:25, 25:19 an 17:25) géint Stuttgart de Kierzeren. Wiesbaden steet an der däitscher Volleyball-Bundesliga op der 6. Plaz.

Kee gudden Owend och fir d'Gladiators Tréier mam Thomas Grün. An der 2. däitscher Basketball-Bundesliga verléiere si auswäerts 76:84 géint Ehingen-Urspring. De Lëtzebuerger Nationalspiller huet 7 Punkte markéiert.

Am belsche Volleyballchampionnat huet Maaseik mam Kamil Rychlicki dogéint mat 3-1 géint Leuven gewonnen. De Lëtzebuerger war dobäi mat 16 Punkten den zweetbeschte Marqueur um Terrain.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.