TimesFrisbee-Affär huet et an déi britesch Press gepackt

Déi Londoner Zeitung Times bréngt direkt 3 Artikelen iwwert d'SREL-Affär an iwwert de Jean-Claude Juncker.

Frisbee-Affär huet et an déi britesch Press gepackt (13.12.2017)
Déi Londoner Zeitung Times bréngt direkt 3 Artikelen iwwert d'SREL-Affär an iwwert de Jean-Claude Juncker.

UPDATE

Um Mëttwoch den Owend huet de Parquet an engem Schreiwes dorunner erënnert, datt et den Ament keng Enquête géint de Jean-Claude Juncker gëtt. D'Plaintë wiere géint "Onbekannt".

Communiqué du parquet de Luxembourg au sujet des prétendues écoutes illégales au SREL

Suite à l’article paru ce matin dans la presse anglaise le parquet de Luxembourg tient à préciser qu’il n’existe à l’heure actuelle  aucune enquête à l’encontre de l’ancien Premier ministre, M. Jean-Claude Juncker. Dans le contexte des prétendues écoutes illégales du service de renseignement de l’Etat Luxembourgeois (SREL) l’ancien directeur du service, M. Marco Mille, ainsi qu’un ancien collaborateur, M. Frank Schneider ont déposé des plaintes avec constitution de parties civiles auprès d’un juge d’instruction à Luxembourg. Ces plaintes sont dirigées contre « inconnu ».

 A ce stade de la procédure il est prématuré de se prononcer sur la suite qui sera donnée aux deux plaintes en question.


Frisbee-Affär huet et an déi britesch Press gepackt

Déi britesch Press beschäftegt sech um Mëttwoch laang a breet mat der Frisbee-Affär. Méi genee: d'Londoner Times bréngt gläich 3 Artikelen iwwert déi SREL-Affär an iwwert de Jean-Claude Juncker. An der Haaptsaach geet et ëm eng nei Enquête wéinst enger verfälschter Ofschrëft vum famouse Spionage-Auere-Gespréich.

Screenshot vu www.thetimes.co.uk© Londoner Times


D'Londonert Times iwwert Frisbee-Affär - Reportage Nico Graf

Dat Gespréich hat de SREL-Chef Marco Mille deemools jo gefouert a mat der Spionage-Auer enregistréiert. An et dokumentéiert, datt en Telefonsgespréich vum SREL mat dem Elektronikfachmann Loris Mariotto mat Wësse vum Premier Juncker mä ouni déi néideg Autorisatioun vun 3 Riichteren enregistréiert ginn ass. An de Premier ass ëmmer ze héieren wéi hien affirmativ grommelt an och verbal d'accord ass mat der Presentatioun vu sengem SREL-Chef.

A bé, an enger Ofschrëft sinn déi affirmativ Tendenzen verschwonnen. Doriwwer huet de Marco Mille sech virun 3 Wochen an engem Communiqué schwéier opgereegt an huet Plainte annoncéiert. D'Times schreift, och dem Marco Mille säi Sous-Chef Frank Schneider hätt Plainte gemat an allebéid wéilte si eng hallef Millioun Euro Entschiedegung fir déi Fälschung. D'Times schreift, de juge d'instruction Eric Schammo hätt eng Enquête an deeër Saach opgemat:

The Times has learnt that last week, as Mr Juncker met Theresa May for Brexit talks in Brussels, a Luxembourg judge opened a criminal inquiry into whether officials working for Mr Juncker were responsible for an incomplete transcript of a covertly recorded conversation, which may have disguised his alleged role in phone-tapping.

Dat heescht – am Resumé an am Kloertext – et géif gekuckt ginn, op Beamten aus dem Staatsministère responsabel wiere fir déi verfälscht Transkriptioun, déi d'Enquête-Kommissioun, d' Justiz an de Public hätt sollen irféieren.

D'Times huet och mam Frank Schneider geschwat an zitéiert hien, dee sech wonnert, datt de fréiere Premier keng Zäit hat, fir an de Frisbee-Prozess ze kommen, de Mr. Juncker sollt dee Prozess dach eescht huelen, schliisslech hätt dat hien säin Job zu Lëtzebuerg kascht. A weider:

“I am certain that if Juncker can come to Luxembourg to speak to students . . . about the future of Europe as he did in October this year, he could have found two hours during one of the eight proposed dates . . . to attend court.”

De Kommissiounspresident hätt am Oktober Zäit gehat, zu Lëtzebuerg mat Studenten ze diskutéieren, hätt awer keng Zäit fir zwou Stonne Prozess … obschonns hien 8 Terminer proposéiert kritt hat.

An dann an der Times ëmmer erëm de Link mat den aktuelle Brexit-Verhandlungen an och e Portrait vum Mr. Juncker, wou deen net gutt ewech kënnt.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.