Den 18 Joer jonke Lëtzebuerger, deen aktuell 26. an der Weltranglëscht vu Counter Strike: Global Offensive ass, schléisst sech der Ekipp "Sprout" un.

"Sprout" ass eng vun de beschten däitschen Ekippen am CS:GO. De Schratt, fir an Däitschland ze goen, a mat enger Ekipp vun esou héijem Niveau ze spillen, ass ee wichtegen an der Karriär vum jonke Esportler. Hien ass domadder den éischte Lëtzebuerger, dee de Schratt an déi international Zeen vum ESport mécht, schreift d'Lëtzebuerger Esport Federatioun LESF an engem Communiqué.