Mat där Auszeechnung soll jo dee "bedeitendsten a wierdegsten" däitschsproochegen Acteur ausgezeechent ginn.

Nodeems de Bruno Ganz am Februar gestuerwe war, gouf sech gefrot, wien dann elo den Iffland-Rank kréie gëtt.

Domat soll jo dee "beschten däitschsproochegen Acteur" ausgezeechent ginn - op Liewenszäit.

E sëllechen Nimm waren an der Course, e Freideg gouf du bekannt, datt de Jens Harzer den Iffland-Rank kritt.

Dat hat de Bruno Ganz esou a sengem Testament virgesinn. De Bruno Ganz hat den Iffland-Rank méi wéi 20 Joer.

De Bruno Ganz

Den neie Besëtzer vum Rank, deen der Republik Éisträich gehéiert, muss elo bannent 3 Méint selwer en Nofolger proposéieren. Déi Enveloppe kënnt op Wien a gëtt awer eréischt nom Doud vum Jens Harzer opgemaach.

De Jens Harzer huet 47 Joer an ass vu Wiesbaden. Zanter 2009 ass e fester Member vum Ensembel vum Thalia Theater zu Hamburg.

D'Sandra Hueller an de Jens Harzer bei enger Prouf fir "Penthesilea" um Salzburger Landestheater am Juli 2018. / © AFP

Den Iffland-Rank geet op den August Wilhelm Iffland (1759-1814) zeréck. Den Iffland war Schauspiller, Dramatiker a Theaterchef. Zu senge bekanntste Wierker gehéiert iwwregens "Der Komet", eng "Posse", déi vum haitegen CNL-Direkter Claude D. Conter nei erausbruecht gouf.

Den August Wilhelm Iffland op enger Lithographie vum Johann Stephan Decker, ëm 1825. Fotograféiert vum Peter Geymayer.

Um Iffland-Rank ass e Portrait vum Iffland selwer drop. Bis elo gouf e just vu Männer u Männer verginn, wat an der Lescht kritiséiert gouf. Fir weiblech Actricë gëtt et awer zanter 1978 en eegene Bijou, den Alma-Seidler-Rank, deen awer manner bekannt ass.

De Jens Harzer als Caliban am Shakespeare-Stéck "The Storm" (Salzburg Festival 2016).