Um Starring Europe, e Festival mat europäesche Filmer zu Los Angeles, huet de Film "Superjhemp Retörns" seng US-Premiere gefeiert.

Nom risegen Erfolleg zu Lëtzebuerg an Ëmgéigend gëtt de Film vum Félix Koch och ganz feierlech op déi amerikanesch Leinwand bruet. An engem offizielle Facebook-Post vum Organisateur beschreiwen d'Amerikaner de Superjhemp Retörns als gréisste lëtzebuergesche Kinohit vun allen Zäiten.

Éier d'Kachkéis-Virstellung awer lass geet, steet nach de polnesche Kuerzfilm "Casting" um Programm. An dësem Film ass ee jonke Filmstudent op der Sich no Leit, fir d'Schlusszeen vun "The Godfather" nozestellen a mécht schlussendlech en Opruff an engem Kannerheem.

Déi englesch Versioun vum Superjhemp gëtt den 12. Mee um 16 Auer Lokalzäit am Aero Theater gewisen.