Am ganzen hu 26 Länner bei dëser 64. Editioun matgemaach. Um Enn konnt sech den Hollänner Duncan Laurence duerchsetzen.

No vill hin an hier konnt schlussendlech den Hollänner Duncan Laurence sech um Eurovision Song Contest 2019 duerchsetzen. Domadder wäert den Eurovision Song Contest am Joer 2020 zu Amsterdam an Holland sinn. Dëst ass fir déi 5. Kéier, dass Holland den ESC ka gewannen, déi leschte Kéier 1975.

Op déi 2. Plaz kënnt Italien, Russland kritt um Enn déi 3. Plaz. Déi leschte Plaz geet ironescherweis u Groussbritannien.


D'Final vum 64. Eurovision Song Contest huet e Samschdeg um 21 Auer ugefaangen, dat ënnert dem Slogan "Dare to dream!". Organiséiert gouf et dës Kéier zu Tel Aviv, méi genee am internationale Kongresszenter.

26 Länner ware bei der Finall dobäi, déi sougenannte "Big Five" (Däitschland, Frankräich, Italien, Spuenien a Groussbritannien) an d'Land, dat den Contest organiséiert huet, also Israel, waren direkt fir d'Finall qualifizéiert.  Eng Iwwerraschung dëst Joer war dann definitiv den Optrëtt vum Madonna. Et sollt am Fong d'Kiischt um Kuch vun dësem Owend sinn... ma dat ass awer liicht no hanne lass gaangen. Op de sozialen Netzwierker gouf de Geck duerno gemaach, well de Weltstar Problemer hat, Téin ze treffen.

D'Gewënnerin vun 2018 wärend enger leschter Prouf vir hiren Optrëtt wärend der Finall. / © Jack GUEZ / AFP

En Dënschdeg, an der éischter Halleffinall haten sech 10 Länner qualifizéiert, en Donneschdeg waren et dann an der 2. Halleffinall nach eemol 10 Natiounen déi et Finall gepackt haten.

Hei d'Plazéierungen an d'Punkten op ee Bléck:

01. HOLLAND - Duncan Laurence („Arcade“): 492 Punkten
02. ITALIEN - Mahmood („Soldi“): 465 Punkten
03. RUSSLAND - Sergey Lazarev („Scream“): 369 Punkten
04. SCHWÄIZ - Luca Hänni („She Got Me“): 360 Punkten
05. NORWEGEN - KEiiNO („Spirit In The Sky“): 338 Punkten
06. SCHWEDEN - John Lundvik („Too Late for Love“): 332 Punkten
07. ASERBAIDSCHAN - Chingiz („Truth“): 297 Punkte
08. NORDMAZEDONIEN - Tamara Todevska („Proud“): 295 Punkten
09. AUSTRALIEN - Kate Miller-Heidke („Zero Gravitiy“): 285 Punkten
10. ISLAND - Hatari („Hatrið mun sigra - Hass wird siegen“): 234 Punkten
11. TSCHECHIEN - Lake Malawi („Friend Of A Friend“): 157 Punkten
12. DÄNEMARK - Leonora („Love Is Forever“): 120 Punkten
13. SLOWENIEN - Zala Kralj und Ga?per ?antl („Sebi - Selbst“): 105 Punkten
14. FRANKRÄICH - Bilal Hassani („Roi“): 105 Punkten
15. ZYPERN - Tamta („Replay“): 101 Punkten
16. MALTA - Michela („Chameleon“): 95 Punkten
17. SERBIEN - Nevena Bo?ovic („Kruna - Krone“): 92 Punkten
18. ALBANIEN - Jonida Maliqi („Ktheju tok„s - Kehre zurück in dein Land“): 90 Punkten
19. ESTLAND - Victor Crone („Storm“): 86 Punkten
20. SAN MARINO - Serhat („Say Na Na Na“): 81 Punkten
21. GRIICHENLAND - Katerine Duska („Better Love“): 71 Punkten
22. SPUENIEN - Miki („La Venda“): 60 Punkten
23. ISRAEL - Kobi Marimi („Home“): 47 Punkten
24. DÄITSCHLAND - S!sters („Sister“): 32 Punkten
25. WÄISSRUSSLAND - Zena („Like It“): 31 Punkten
26. GROUSSBRITANNIEN - Michael Rice („Bigger Than Us“): 16 Punkten