Ee vun den Highlighten am Kader vum Programm "Summer in the City" war e Samschdeg den Owend den Open-Air-Concert mam Sir Bryn Terfel zesumme mam OPL.

D'Kinnekswiss ass net just eng beléifte Plaz fir am Gréngs matten an der Stad kënnen ofzeschalten, am Summer verwandelt de Stater Park sech och an eng Concertsplaz. Fir d'Editioun 2019 vu "Kinnekswiss loves" war de Sir Bryn Terfel op Besuch an der Stad a mat där Mass u Leit, déi sech am Park zesummefonnt haten, konnt een zu Recht behaapten "Luxembourg loves Sir Bryn Terfel".

OPL Kinnekswiss
Ee vun den Highlighten am Kader vum Programm "Summer in the City" war e Samschdeg den Owend den Open-Air-Concert mam Sir Bryn Terfel zesumme mam OPL.

Ënnert der Direktioun vum Gustavo Gimeno an a Begleedung vum Lëtzebuerger Orchestre Philharmonique huet de Sir Bryn Terfel zesumme mat der Sopranistin Lauren Fagan déi populär Wierker vu Puccini, Verdi, Richard Wagner a Gershwin presentéiert.

Saison eriwwer

Mam Concert zesumme mam OPL op der Kinnekswiss ass d'Saison elo eriwwer. E Samschdeg war nieft deem Concert och d'End of Season Party an der Philharmonie selwer. Duerno ass Paus bis am September.

Dat ass eng gutt Geleeënheet, fir op d'Saison zréckzekucken a gläichzäiteg no vir. Méi wéi 200.000 Cliente fir d'Philharmonie an engem Joer, dat sinn 30% méi wéi viru 5 Joer. All Joer nach huet d'Philharmonie méi gebueden wéi dat Joer virdrun. D'Philharmonie huet vill méi Säll wéi dee grousse Concertssall, an dat erlaabt eng sëllechen Aktivitéiten.